މިހާރު ކުރިޔަށްދާ އެމްޑީޕީގެ ރިޔާސީ ޕްރައިމަރީގެ ކެމްޕޭންގައި ރައީސް އިބުރާހިމް މުހައްމަދު ސާލިހުގެ އާ ކެމްޕޭން ޖަގަހައެއް ހެންވޭރުގައި ހުޅުވައިފިއެވެ.
ހެންވޭރު އުތުރު ދާއިރާގައި އިބޫ ޖަގަހައިގެ ނަމުގައި މިއަދު މި ކެމްޕޭން ޖަގަހަ ހުޅުވާފައިވާއިރު، ރައީސް ސާލިހުވަނީ މިއަދު ހެންވޭރުގައި ދިރިއުޅޭ އެމްޑީޕީގެ މެމްބަރުންގެ ގޭގެއަށް ޒިޔާރަތް ކޮށްފައެވެ. މި ޒިޔާރަތުގައި އެމްޑީޕީގެ ބައެއް މަޖިލިސް މެމްބަރުންގެ އިތުރުން ކެބިނެޓްގެ ބައެއް ވަޒީރުންވެސް ވަނީ ބައިވެރިވެ ވަޑައިގެންފައެވެ.
މިމަހު 28ގައި ބޭއްވުމަށް ހަމަޖެހިފައިވާ އެމްޑީޕީގެ ރިޔާސީ ޕްރައިމަރީގެ ޓިކެޓް ކަށަވަރު ކުރެއްވުމަށް ރައީސް ސާލިހު ކުރައްވަމުން ގެންދަވާ ކެމްޕޭންގެ ތެރެއިން އެމަނިކްފާނުވަނީ އިއްޔެ ހުޅުމާލޭގެ އެމްޑީޕީގެ މެމްބަރުންގެ ގޭގެއަށް ޒިޔާރަތްކޮށް، އަދި ރޭ ހުޅުމާލޭގެ ރައްޔިތުންނާއި ބައްދަލުކުރެއްވުމަށް ޚާއްސަ ބައްދަލުވުމެއްވެސް ބާއްވާފައެވެ.
އަދި މާއްދަމާ ކެމްޕޭން ދަތުރެއްގައި ރައީސް ސާލިހު އައްޑު އޮތޮޅަށް ވަޑައިގަންނަވާނެއެވެ.
މި ކެމްޕޭންގައި ރައީސް ސާލިހުއާއި ވާދަކުރައްވާ، އެމްޑީޕީގެ ރައީސް މުހައްމަދު ނަޝީދު ރ. އަތޮޅާއި އަދި ބ. އަތޮޅަށް ކުރެއްވި ކެމްޕޭން ދަތުރެއް ނިންމަވާލެއްވުމަށްފަހު މިއަދު ހަވީރު އެމްޑީޕީގެ އާންމު މެމްބަރުންނާއި ބައްދަލު ކުރެއްވުމަށް ހަމަޖެހިފައިވަނި ރާޅުގަޑު ސަރަހައްދުގައެވެ.
ކޮމެންޓު ފޮނުވާ