ހއ.އަދި ބ.އަތޮޅު ކައުންސިލް ރައީސްގެ ތާއީދު އެމްޑީޕީގެ ޕްރައިމަރީގައި ވާދަކުރައްވާ ރައީސް ނަޝީދަށް ކުރުމަށް ނިންމައިފިއެވެ.

ހއ.އަތޮޅު ކައުންސިލްގެ ރައީސް މޫސާ ޝަފީޤް މިއަދު އާއްމުކުރެއްވި ވީޑީއޯއެއްގައި ވިދާޅުވީ، މުޅި ހދ ރައްޔިތުންގެ ކައިރިޔަށް ދެވުނު ކަމަށާއި ރައްޔިތުން އެދޭ ހެޔޮވެރިކަމެއް ކުރެވިދާނެ ކަމަށް ރައްޔިތުނުްނަށް އެބޭފުޅުން ވެސް ވައުދުވި ކަމަށެވެ. ނަމަވެސް ރައްޔިތުން އެދޭ ހެޔޮވެރިކަމެއް ކުރުމަށް މިއަދު ގޮންޖެހުންތަކެއް ހުރި ކަމަށާއި އެ ގޮންޖެހުންތައް ހައްލު ކުރެވޭނެ ހަމައެކަނި ގޮތަކީ ރައީސް ނަޝީދު އަލުން އަނބުރާ ވެރިކަމަށް ގެނައުން ކަމަށް ވިދާޅުވެއެވެ.

ބ.އަތޮޅު ކައުންސިލްގެ ރައީސް އަޙްމަދު އަފްރާޙް މިއަދު ކުރެއްވި ޓްވީޓެއްގައި ވަނީ ރައީސް ނަޝީދަށް ތާއީދު ކުރައްވާކަން ހާމަކުރައްވާފައެވެ.

މިދެބޭފުޅުން ރައީސް ނަޝީދަށް ތާއީދުކުރެއްވިކަން ހާމަކުރެއްވިއިރު، އިއްޔެ ކުޅުދުއްފުށީ ސިޓީގެ މޭޔަރުވެސް ވަނީ ރައީސް ނަޝީދަށް ތާއީދު ކުރައްވާފައެވެ. ރައީސް ނަޝީދަށް ބައެއް އަތޮޅު ކައުންސިލަރުންނާއި މޭޔަރުންނާިއ ބައެއް މަޖިލިސް މެމްބަރުން ތާއީދު ކުރައްވަމުންދާއިރު، ޕްރައިމަރީ ވަނީ ވަރަށްވާދަވެރި ވެފައެވެ.

ބ.އަތޮޅު ކައުންސިލްގެ ކުރީގެ ރައީސްގެ ތާއީދުވެސް ރައީސް ނަޝީދަށް#Anni2023 #FikureggeDhirun https://t.co/6L5uGNmAlw

— Waddey (@waddey_) January 7, 2023

މިމަހުގެ 28 ވަނަ ދުވަހު ވޯޓުލާއިރު ރައީސް ނަޝީދާއި ރައީސް ޞާލިހުވެސް ގެންދަވަނީ އަތޮޅު ތެރޭގައި ކެމްޕެއިން ކުރައްވަމުންނެވެ. ކެމްޕެއިންގައި ރައީސް ނަޝީދަށް އެމްޑީޕީގެ އާންމު ގިނަ މެމްބަރުންގެ ވޯޓު ލިބޭނެކަމަށް ބައެއް ފަރާތްތަކުން ވިދާޅުވާއިރު، ރައީސް ޞާލިހަށް ގިނައިން ވޯޓު ލިބޭނީ ވަޒީފާއާއި، ސިޔާސީ މަޤާމުތަކުގައި ތިއްބެވި ބޭފުުޅުންގެ ފަރާތްޕުޅުންކަމަށް އެމްޑީޕީގެ ބައެއް މެމްބަރުން ދަނީ ވިދާޅުވަމުންނެވެ.