ކުރީގެ ރައީސް އަދި އިދިިކޮޅު ލީޑަރު ރައީސް ޔާމީން މިނިވަން ކުރުމަށް ގޮވާލައި އިދިކޮޅު ޕްރޮގްރެސިވް ކޯލިޝަނުން ގިނަ އަދަދެއްގެ ބަޔަކާއިއެކު މާލޭގައި ބާއްވާ ހިނގާލުން ފަށައިފިއެވެ.

ހިނގާލުން ފަށާފައިވަނީ މާލޭގައި ހުންނަ ޕީޕީއެމް އޮފީސް ދޮރުމަތިންނެނެވެ. ގިނަ އަދަދެއްގެ ބަޔަކު ބައިވެރިވާ މިހިނގާލުމުގައި ބައިވެރިން ތިބީ "ފްރީ ރައީސް ޔާމީން" ޖަހާފައިވާ ކަޅު ޓީޝާޓެއް ލައިގެންނެވެ. ހިނގާލުމުގައި ޕީޕީއެމް ޕީއެންސީގެ ލީޑަރޝިޕްގެ ގިނަ އަދަދެއްގެ ބޭފުޅުން ދަނީ ބައިވެރިވަމުންނެވެ.

ހިނގާލުމުގައި ބައިވެރިވާ މީހުން ތިބީ ޤައުމީ ދިދަ ހިފައިގެންނެވެ. ފުލުހުންގެ އެއްބާރުލުމާއިއެކު ފަށާފައިވާ މިހިނގާލުން ނިންމާނީވެސް ޕީޕީއެމް އޮފީސް ކައިރިއަށެވެ.

Raees Yameen ah Kuri haraan hukumaa dhekolhah kuriah dhaa Sababuveri Hingaalun #HaraanHukum #FreePresidentYameen #RY2023 pic.twitter.com/v8MMnaPuY4

— Progressive Party of Maldives (@ProgressPartyMV) December 30, 2022

މިއަދު މާލޭގައި ބޮޑު ހިނގާލުމެއް ބާއްވާއިރު، ރާއްޖޭގައި މީހުން ދިރިއުޅޭ ހުރިހާ ރަށެއްގައިވެސް ރައީސް ޔަމީން މިނިވަން ކުރުމަށް ގޮވާލައި ހިނގާލުންތައް ބޭއްވުމަށް ވަނީ ހަމަޖެހިފައެވެ.

ރައީސް ޔާމީނަށް ކޮށްފައިވާ ހަރާން ހުކުމާއި ދެކޮޅަށް މުޅި ރާއްޖޭގައި ބާއްވާ މުޒާހަރާ.#HaraanHukum#FreePresidentYameen pic.twitter.com/5rDgrVV2KY

— Progressive Party of Maldives (@ProgressPartyMV) December 30, 2022

ރައީސް ޔާމީން ޖަލަށްލުމަށް ހުކުމް ކުރުމުން އިދިކޮޅު ފަރާތްތަކުން ދަނީ އާދިއްތަ ދުވަހުގެ ރެއިން ފެށިގެން ކޮންމެ ރެޔަކު މާލޭގައި މުޒާހަރާ ކުރަމުންނެވެ.