މަތީ ތައުލީމަކީ ކޮންމެ ދަރިވަރަކަށްވެސް އޮތް ފުރުސަތެއްކަން ކަށަވަރުކޮށް ދިނުމަށްޓަކައި ފަށާފައިވާ ހިލޭ ޑިގްރީ ޕްރޮގުރާމަކީ އެމްޑީޕީގެ ރައީސް މުހައްމަދު ނަޝީދުގެ ސިޔާސަތެއް ކަމުގައި ރައްޔިތުންގެ މަޖިލީހުގެ މަޑަވެލި ދާއިރާގެ މެމްބަރު ހުސެއިން ފިރުޝާން ވިދާޅުވެއްޖެއެވެ.

އެމްޑީޕީގެ ޕްރައިމަރީގައި ރައީސް ނަޝީދަށް ތާއީދު ކުރާ މެމްބަރު ފިރުޝަން ވިދާޅުވީ ހިލޭ ޑިގްރީ ޕްރޮގުރާމަކީ ރައީސް ނަޝީދު 2018 ވަނަ އަހަރުގެ ރިޔާސީ އިންތިޚާބުގެ ކުރިން އަދި އެމްޑީޕީގެ ކޮންގްރެސްގެވެސް ކުރިން އިއުލާން ކުރެއްވި ސިޔާސަތެއް ކަމަށެވެ. މިއަދު ހިލޭ ޑިގްރީގެ ވާހަކަ ބަޔަކު ދެއްކި ކަމުގައި ވީނަމަވެސް އެސިޔާސަތަކީ އަދި އެވިސްނުމަކީ ސީދާ ރައީސް ނަޝީދުގެ ވިސްނުމެއްކަމަށް ފިރުޝާން ވިދާޅުވިއެވެ.

ހިލޭ ޑިގްރީ ސިޔާސަތު ރައީސް ރައީސް މުހައްމަދު ނަޝީދުގެ ޖަޒީރާ ރައީސް ކެމްޕެއިންގައި (2018 ގެ ރިޔާސީ އިންތިޚާބުގެ ކުރިން އަދި ކޮންގްރެސްގެވެސް ކުރިން) ވަނީ އިއުލާން ކޮށްފައި. އެއީ ސީދާ އެމަނިކުފާނުގެ ސިޔާސަތެއް.

– މެމްބަރު ފިރުޝާން ވިދާޅުވިއެވެ.

ހިލޭ ޑިގްރީ ސިޔާސަތު ރައީސް @MohamedNasheed ގެ #JazeeraRaees ކެމްޕެއިންގައި (2018 ގެ ރިޔާސީ އިންތިޚާބުގެ ކުރިން އަދި ކޮންގްރެސްގެވެސް ކުރިން) ވަނީ އިއުލާން ކޮށްފައި. އެއީ ސީދާ އެމަނިކުފާނުގެ ސިޔާސަތެއް.#FikureggeDhirun #Anni2023 pic.twitter.com/dxBkn9FHmV

— Hussain Firushan 🇲🇻 (@husnfirey) December 28, 2022

ހިލޭ ޑިގްރީއަށް ކިޔެވުމުގެ ފުރުސަތު ފަހިކޮށް ދެއްވާނެކަމަށް ރައީސް ނަޝީދު ވިދާޅުވި ނަމަވެސް އަދި އެހެން ސިޔާސީ ބޭފުޅަކު ވިދާޅުވި ނަމަވެސް ހިލޭ ޑިގްރީއަށް ކިޔެވުމުގެ ފުރުސަތު ތަނަވަސް ވެފައިވަނީ ރައީސް ޞާލިހުގެ ވެރިކަމުގެ ތެރޭގައެވެ. އެގޮތުން މިވޭތުވެދިޔަ 4 އަހަރުގެތެރޭގައި 15،000 ދަރިވަރުންނަށް ފުރަތަމަ ޑިގްރީ ހިލޭ ކިޔަވައިދިނުމަށް ދައުލަތުގެ ބަޖެޓުން 454 މިލިއަނަށްވުރެ ގިނަ ރުފިޔާ ވަނީ ޚަރަދުކޮށްފައެވެ.

މަތީ ތައުލީމު ހާސިލް ކުރުމަށް ރާއްޖެއާއި ރާއްޖެއިން ބޭރުންވެސް ގިނަ ފަރުސަތުތަކެއް ހޯދުމަށް ސަރުކާރުން ވަނީ ގިނަ މަސައްކަތްތަކެއްކޮށް އޭގެ ނަތީޖާއާއި ހަމައަށްވެސް ގޮސްފައެވެ. އެގޮތުން އެކި ޤައުމުތަކުން ދެމުންދާ ސްކޯލަރޝިޕްގެ ފުރުސަތުތައް ދިވެހިންނަށް ފަހިކޮށްދިނުމަކީވެސް ސަރުކާރުން މުހިއްމު ސިޔާސަތެކެވެ. އެގޮތުން ސްކޯލަރޝިޕްތަކަށް އެކަނި މިހާތަނަށް 480 މިލިއަން ރުފިޔާ ވަނީ ޚަރަދުކޮށްފައެވެ.