އުމުރާގެ އަޅުކަން އަދާކުރުމަށް މައްކާއަށް ދިޔަ ދިވެއްސެއް ގެއްލިގެން ހޯދަން ފަށައިފިއެވެ.
ގެއްލިގެން ހޯދަމުންދަނީ އުމުރުން ދުވަސްވީ މީހެކެވެ. އޭނާގެ ދަރިފުޅު ކުރި ފޭސްބުކް ޕޯސްޓެއްގައި ބުނެފައިވަނީ ބައްޕަ ގެއްލިގެން ހޯދަމުންދާކަމަށާއި، މިކަމުގައި އެންމެންގެ އެހީތެރިކަމަށް އެދޭކަމަށެވެ. ފޮޓޯއާއިއެކު (އަހުމަދު ވަސީމް) ކިޔާ މީހަކު އޭނާގެ ބައްޕަ ހޯދުމަށް އެދި ކުރި ޕޯސްޓް ވީހާވެސް ގިނަ ބަޔަކު ޝެއާކުރުމަށްވެސް ވަނީ އެދިފައެވެ.
އެމީހާއާއި ބެހޭ އެއްވެސް މައުލޫމާތެއް ލިބިއްޖެނަމަ 7938299 އަދި 7306752 އަށް ގުޅައި ހިއްސާ ކުރުމަށް ވަނީ އެދިފައެވެ.
މިދުވަސްވަރު އުމްރާގެ އަޅުކަން އަދާކުރުމަށް ދިވެހިންގެ ތެރެއިން ގިނަ އަދަދެއްގެ ބަޔަކު ވަނީ ގޮސްފައެވެ. ސްކޫލު ބަންދު ދުވަސްވަރަށް ވުމާއިއެކު މިދުވަސްވަރު ގިނަ ބަޔަކު ވަނީ އުމުރާގެ އަޅުކަން އަދާކުރަމުންނެވެ. އުމުރާގެ އަޅުކަން އަދާކުރުމުގެ ތެރޭގައި މީގެ ކުރިންވެސް މީހުން ގެއްލިގެން ހޯދާފައިވެއެވެ.
