ބޮޑު މުސާރަ ދީފައި ތިބޭ ރައްޔިތުންގެ މަޖިލީހުގެ މެމްބަރުންގެ ތެރެއިން ބައެއް މެމްބަރުން މަޖިލީހުގެ ޖަލްސާތަކާއި އެހެނިހެން މަސައްކަތްތަކަށް ޙާޒިރު ނުވާތީ ރައޔިތުންގެ މަޖިލީހުގެ ރައީސް މުޙައްމަދު ނަޝީރު ކަންބޮޑުވުން ފާޅުކުރައްވައިފިއެވެ.
ރައްޔިތުންގެ މަޖިލީުގެ މިއަދުގެ ޖަލްސާއަށް ޙާޒިރުވީ މެމްބަރުންގެ ޢަދަދު މަދުކަން ފާހަގަކުރައްވައި ނަޝީދުވަނީ "އިންތިހާއަށް ބޮޑު މުސާރަ" ދީފައި ތިބޭއިރު މެންބަރުން ޙާޒިރު ނުވުމަކީ ވަރަށްބޮޑު މައްސަލައެއްކަން ފާހަގަކުރައްވައި މެމްބަރުންނަށް ލިބިވަޑައިގަންނަވާ މުސާރައާއި ޢިނާޔަތްތައް ވިދާޅުވެ ނުރުހުން ފާޅުކުރައްވާފައެވެ. ނުރުހުންވެވަޑައިގެން އިންނަވައި ނަޝީދު ވިދާޅުވީ ކޮންމެ އިއްޒަތްތެރި މެންބަރަކަށް ވެސް އިންތިހާއަށް މުސާރަ ލިބިވަޑައިގަންނަވާ، ކޮމެޓީ އެލަވަންސް އެހާމެ ގިނައިން ލިބިވަޑައިގަންނަވާ، މެންބަރެއްގެ މުސާރައިގެ ގޮތުގައި 80 ހާހަށް ވުރެ ގިނަ ރުފިޔާ އެބަ ގެއަށް ގެންދަވާކަމަށެވެ. 3 ، 42
މަޖިލީހުގެ ރިޔާސަތުން އަންގާ އެންގުމެއްގެ ގޮތުގައި ރައީސް ނަޝީދު ވަނީ މިއަދު މިކަން ފާހަގަކުރައްވައި މަޖިލިސް އޮންނަ ދުވަސް ދުވަހު ޖަލްސާތަކަށް ހާޒިރުވެ، ބަހުސްގައި ބައިވެރިވުމަށް މެމްބަރުންގެ ކިބައިން އެދިވަޑައިގެންފައެވެ. ރައީސް ނަޝީދު ވިދާޅުވީ މަޖިލީހުގެ ބަހުސްތަކުގައި ބައިވެރިވެ، އެ މެންބަރަކަށް ފެނިވަޑައިގަންނަވާ ގޮތަކަށް ވާހަކަ ދައްކަވައި ޚިޔާލު ފާޅުކުރުމަކީ ރައްޔިތުންގެ މަޖިލީހުގެ އަސާސީ މަގްސަދުކަމަށެވެ. އެހެންކަމުން އެމަޤު ހާސިލްވާގޮތަށް އެންމެހައި މެމްބަރުންވެސް ޢަމަލުކުރެއްވުމަށް އެމަނިކުފާނު ގޮވާލެއްވިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާ ފެށިއިރު ތިއްބެވީ 22 މެމބަރުންނެވެ. އެއީ ޖުމުލަ 87 މެންބަރުންގެ ތެރެއިންނެވެ.
