ޖިންސީ ފުރައްސާރައިގެ މައްސަލައެއްގައި ސަސްޕެންޑްކޮށްފައިވާ، އެޑިއުކޭޝަން މިނިސްޓްރީގެ ސްޓޭޓް މިނިސްޓަރު އަހުމަދު ރިޔާޒު އަދިވެސް ހުންނެވީ މުސާރަ ލިބިވަޑައިގަންނަވާ ގޮތަށް ގޭގައިކަމަށް ސަރުކާރުން ހާމަކުރައްވައިފިއެވެ.
މިހާރު، ރިޔާޒު އެގޮތަށް ގޭގައި ހުންނަވާތާ ހަމަސްދުވަހަށްވުރެ ގިނަވެއްޖެއެވެ. މިކަމާ ގުޅޭގޮތުން ބައެއް މީޑިއާތަކުން ސުވާލުކުރުމުން ރައީސުލްޖުމްހޫރިއްޔާގެ އޮފީހުގެ ތަރުޖަމާނު މިޢުވާން މުޙައްމަދުވަނީ ސްޓެޓް މިނިސްޓަރު އަޙްމަދު ރިޒާރުގެ މައްސަލައެއް ބަލަމުންދާތީ އަދިވެސް އޭނާ ހުންނެވީ ގޭގައިކަން ޔަޤީންކޮށްދެއްވާފައެވެ. އެއީ ކޮން މައްސަލައެއްކަމެއް މިއުވާން ވިދާޅެއް ނުވެއެވެ.
އެހެންނަމަވެސް މިއަހަރުގެ މެއި މަހުގެ 29ވަނަ ދުވަހުން ފެށިގެން، ސްޓޭޓު މިނިސްޓަރު ރިޔާޒު ސަސްޕެންޑުކޮށްފައިވާކަމަށާ، އޭނާ ސަސްޕެންޑުކުރީ ޖިންސީ ފުރައްސާރައިގެ މައްސަލައެއްގެ ތުހުމަތުގައިކަމަށް ބައެއް މީޑިއާތަކުގައި ރިޕޯޓުކޮށްފައިވެއެވެ.
މިމައްސަލައާ ގުޅިގެން ރިޔާޒުވެސް ކުރިން ވާހަކަދެއްކެވިއެވެ. އޭނާ ސަސްޕެންޑްކުރިކަން ޔަޤީންކޮށްދެއްވަމުން އޭރު މީޑިއާގައި އޭނާ ވިދާޅުވީ ބަލަމުންދާ މައްސަލައަކާ ގުޅިގެން ގޭގައި މަޑުކުރަން ރައީސް އޮފީހުގެ ޗީފް އޮފް ސްޓާފް އަލީ ޒާހިރު އޭނާއަށް އަންގަވާފައިވާ ކަމަށެވެ.
ރިޔާޒަކީ ޖުމްހޫރީ ޕާޓީގެ ސްލޮޓެއްގައި މަގާމަށް ވަޑައިގެންނެވި ބޭފުޅެކެވެ.
