2021 ވަނަ އަހަރު ތަޅަޕް އިން ބޮލީވުޑަށް ތާއާރަފްވި، ކުރީގެ މަޝްހޫރު އެކްޓަރު ސުނިލް ޝެއްޓީގެ ދަރިފުޅު އަހާން ޝެއްޓީއަށް ސައުތުގެ ފިލްމްއެއްގައި މަސައްކަތް ކުރުމުގެ ފުރުސަތު ލިބިއްޖެއެވެ.
ބޮލީވުޑްގެ ފިލްމު ތަކަށްވުރެ ކޯވިޑް-19 ގެ ފަހުން ސައުތުގެ ފިލްމުތައް އަންނަނީ ވަރަށް ބޮޑަށް ބެލުންތެރިންގެ މެދުގައި މަގުބޫލުކަން ހޯދަމުންނެވެ. ފުލުފުލުގައި ސައުތުގެ ފިލްމްތައް އަންނަނީ ކާމިޔާބު ވަމުންނެވެ. އެއާއެކު ފުލު ފުލު ގައި ބޮލީވުޑްގެ ފިލްމުތައް ފްލޮޕްވަމުން އަންނަ އިރު އޭލިސްޓްގެ ތަރިންގެ ފިލްމުތައް ވެސް މި ލިސްޓްގައި ހިމެނެއެވެ.
ޕިންކްވިލާ އިން ބުނި ގޮތުގައި ދެކުނު މަޝްހޫރު ޑައިރެކްޓަރަކު ހަދާ މި ފިލްމަކީ ދާދި ފަހުން ރިލީޒްކުރި ރުޒޯ ބްރަދާސްގެ "ދަ ގްރޭ މޭން" ސްޓައިލްގެ ވަރުގަދަ އެކްޝަން ތުރިލާއެކެވެ.
އަދި މި ފިލްމުގެ ޝޫޓިން ވަރަށް އަވަހަށް ފަށަން ތައްޔާރުވަމުން އަންނަ ކަމަށާއި އިންޑިއާއާއި ބޭރު ގައުމު ތަކުގައިވެސް މި ފިލްމްގެ ޝޫޓިންގ ކުރިއަށް ގެންދާނެ ކަމަށް ޚަބަރު ލިބެއެވެ. ނަމަވެސް ފިލްމާ ގުޅޭ މާގިނަ މައުލޫމާތެއް އަދި ހިއްސާ އެއް ނުކުރެއެވެ.
View this post on Instagram
އަހާން، 26، ގެ ފުރަތަމަ ފިލްމަކީ މިލަން ލުތުރިއާ ޑައިރެޓްކޮށް މިދިޔަ އަހަރުގެ ޑިސެމްބަރުގައި ރިލީޒްކުރި "ތަޅަޕް" އެވެ. "ތަޅަޕް" އަކީ 2018 ގައި ރިލީޒްކުރި ތެލެގޫ ފިލްމު "އާރްއެކްސް 100″ ގެ ރިމޭކެކެވެ.
