2015 ވަަނަ އަހަރު ނެރުނު ކާމިޔާބު ފިލްމު "ދްރިޝްޔަމް"ގެ ދެވަނަ ބައި ކަމުގައިވާ "ދްރިޝްޔަމް 2″ ކުރިއަށް އޮތް ނޮވެމްބަރު މަހުގެ 18 ވަނަ ދުވަހުގައ ރިލީޒްކުރާ ގޮތަށް ހަމަޖެހިއްޖެއެވެ.
މިހާރު ބެލުންތެރިންނަށް ޓީޒާވެސް ދޫކޮށްލައިފައިވާ މި ފިލްމް ގެ މުހިންމު ރޯލުތަކުން ފެނިގެންދަނީ މި ފިލްމްގެ ފުރަތަމަ ބައިވެސް ފެނިގެންދިއަ ތަރިންނެވެ.
އެގޮތުން މި ފިލްމްގެ ލީޑުން އަޖޭ ދޭވްގަން، ޝްރިޔާ ޝަރަން، ތައްބޫ، އިޝިތާ ދަތުގެ އިތުރުން އަކްޝޭ ކަންނާ ފެނިގެން ދާނެއެވެ.
2015 ވަނަ އަހަރު ނެރުން "ދްރިޝްޔަމް"ގެ ކާމިޔާބަށް ފަހު މީގެ ދެވަނަ ފިލްމް އެއް ނެރޭއިރުގައި ފިލްމްގައި ކުރީގެ ފިލްމްއަށްވުރެ ބެލުންތެރިންގެ ޝައުގު ހޯދަން މަސައްކަތް ކޮށްފައިވާނެ ކަމަށް ފިލްމްގެ ޓީމުން ވަނީ ބުނެފައިއެވެ.
Vijay aur uske parivaar ki kahaani toh yaad hogi na aapko? Ki yaad dilaye? #Drishyam2 in cinemas on 18th November, 2022.#Tabu #AkshayeKhanna @shriya1109 #RajatKapoor @ishidutta #MrunalJadhav @AbhishekPathakk @KumarMangat pic.twitter.com/LlUuS9x4Kn
— Ajay Devgn (@ajaydevgn) September 29, 2022
"ދްރިޝްޔަމް" އަކީ ހަމަ މިނަމުގައި 2013 ވަނަ އަހަރު ނެރުނު މަލަޔާލަމް ފިލްމެއްގެ ރިމޭކެކެވެ. މަލަޔާލަމް ބަހުން ވަނީ މީގެ ދެވަނަ ބައެއްވެސް 2020 ވަނަ އަހަރު ގެނެސްދީފައެވެ. އަދި އަޖޭގެ "ދްރިޝްޔަމް 2″ އަކީވެސް މަލަޔާލަމް ފިލްމާ ގުޅޭގޮތަށް ހަދާ ފިލްމެއްކަމަށް ބައެއް ރިޕޯޓުތައް ވަނީ ބުނެފައެވެ.
