އދ.ގެ އާންމު މަޖިލީހުގެ ރިޔާސަތު ބަލަހައްޓަމުންދާ ރާއްޖޭގެ ފޮރިން މިނިސްޓަރ ރައީސް ޝާހިދުގެ ވަދާއީ ތަގުރީރު މާދަމާ ދެއްވުމަށް ހަމަޖެހިއްޖެއެވެ.
ޔޫއެންގެ ޖެނެރަލް އެސެމްބްލީގެ 76ވަނަ ދައުރުގެ ރިޔާސަތު ރާއްޖޭގެ ޚާރިޖީ ވަޒީރު ޝާހިދު ކާމިޔާބު ކުރައްވައިފައި ވަނީ 2021ވަނަ އަހަރުގެ ޖޫން މަހުގެ 7ވަނަ ދުވަހު ބޭއްވުނު އިންތިޚާބުންނެވެ. އެއީ 193 ގައުމު އެކުލެވޭ އާންމު މަޖިލީހުގެ 143 ގައުމުގެ ބޮޑު އަޢުލަބިއްޔަތެއް ހޯއްދަވައިގެންނެވެ.
މިއީ 1946 އަހަރުން ފެށިގެން އދގެ ރިޔާސަތު ބެލެހެއްޓުމަށް ޓަކައި ކޮންމެ އަހަރަކު ގަވައިދުން ބާއްވާ އިންތިހާބެކެވެ. 2021 ސެޕްޓެންބަރު 14ގައި ފެށުނު ޢާއްމު މަޖިލީހުގެ 76ވަނަ ދައުރުގައި އޭޝިއާ ޕެސިފިކް ސަރަހައްދުގެ ގައުމުތަކުގެ ފަރާތުން ރިޔާސަތު ބަލަހައްޓަވަން ފޮރިން މިނިސްޓަރ ޝާހިދު ޚިޔާރުކުރެއްވީ ރާއްޖޭގެ ރައީސުލްޖުމްހޫރިއްޔާ އިބްރާހީމް މުޙައްމަދު ސާލިހެވެ. މިއީ އދގެ ޢާއްމު މަޖިލީހުގެ ރިޔާސަތަށް ދިވެހިރާއްޖޭން ކުރިމަތިލި ފުރަތަމަ ފަހަރު ވެސް މެއެވެ. އަދި މިއީ މިހާތަނަށް އދގެ އާންމު މަޖިލީހުގެ ރިޔާސަތު ރާއްޖޭން ބެލެހެއްޓި ފުރަތަމަ އަދި ތާރީޚީ ފަހަރު ވެސް މެއެވެ. މި ތާރީޚާ އެކު ރާއްޖެ ވެފައި ވަނީ ތަރައްޤީވަމުން އަންނަ ކުދި ޖަޒީރާ ޤައުމުތަކުގެ ތެރެއިން އދގެ ރިޔާސަތު ބެލެހެއްޓި 6ވަނަ ގައުމަށެވެ.
އދ.ގެ އާންމު މަޖިލީހުގެ ރައީސް ޝާހިދުގެ "އުންމީދުގެ ރިޔާސަތު"، ބިނާކުރައްވައިފައި ވަނީ 5 ތަނބެއްގެ މައްޗަށެވެ. އެއީ މިންތީގެ ހަމަހަމަކަން ގާއިމުކުރައްވައި އަންހެނުންގެ ކުރިއެރުމަށާއި ޒުވާނުން ބާރުވެރި ކުރެއްވުމަށާއި ވަކިން ހާއްސަކޮށް ރާއްޖޭގެ ހާރިޖީ ދާއިރާއާ އުސްމިންތަކަށް ގެންދިއުމުގެ މައްޗަށެވެ.
މި ތާރީޚީ އަދި ފަޚުރުވެރި ރިޔާސަތުގައި ޚާޒިޖީ ވަޒީރު ޝާހިދުގެ ވަދާއީ ތަގުރީރު މި މަހުގެ 12ވަނަ ދުވަހު އދގެ އާންމު މަޖިލީހުގައި ދެއްވާނެއެވެ.
