ކަރިޝްމާ ކަޕޫރަކީ އޭނާގެ ރަން ޒަމާނުގައި ބޮލީވުޑްގެ އެންމެ މަގުބޫލު އަދި ބެލުންތެރިންގެ މެދުގައި ވެސް އެންމެ މަގުބޫލު އެއް ތަރިއެވެ. ކަރިޝްމާގެ ރީތިކަމުގެ ޖާދޫ އާއި އެކްޓިންގެ ގެ ހުނަރުގެ ސަބަބުން އޭނާ ވެގެން ދިއައީ ބޮލީވުޑްގައި ހިޓަކަށެވެ. ނަމަވެސް އެއީ އެދުވަހުގެ ވާހަކައެވެ. މިހާރު ކަރިޝްމާ އަކީ މާ މަގުބޫލު އޮންސްކްރީން މޫނެއެއް ނޫނެވެ.
1997 ވަނަ އަހަރުގެ ދިލްތޯ ޕާގަލް ހޭ އަކީ ކަރިޝްމާގެ ފިލްމީ ހަޔާތުގެ އެންމެ މަގުބޫލު އެއް ފިލްމެވެ. މި ފިމްގެ ކްލިޕެއް ޝެއާ ކުރަމުން ކަރިޝްމާ ބުނެފައިވަނީ ފިލްމްގެ ނަމާ ލަވައިގެ ނަން ދިމާކުރުމަށެވެ.
ނަމަވެސް ގިނަބައެއްގެ ލޮލުގައި އަޅައިގަތީ މި ލަވައިގެ ބެކްގްރައުންޑް ޑާންސަރެވެ. ވީޑިއޯ ކޮޅު ބަލާލުމަށް ފަހު އެއީ ކޮން ތަރިއެއްކަން ބުނެބަލާށެވެ.!
View this post on Instagram
މި ލަވައިގައި ބެކްގްރައުންޑް ޑާންސަރެއްގެ ގޮތުގައި ހަރަކާތްތެރިވެފައި އެ ވަނީ މިއަދު ބޮލީވުޑްގައި އެންމެ ޑިމާންޑް ބޮޑު އަދި އަގުބޮޑު އެކްޓަރުންގެ ތެރޭގައި ގުނާލެވޭ ޝާހިދު ކަޕޫރެވެ.
ޝާހިދު މިހާރު ކުރަމުންދާ މަސައްކަތަކީ ޓެލެގޫ ފިލްމެއްގެ ރިމޭކެއް ކަމަށްވާ "ޖާޒީ"ގެ މަސައްކަތެވެ. އޭނާ އެންމެފަހުން ފެނިގެންދިޔަ ސުޕަރ ހިޓް " ކަބީރް ސިންގ" އަކީ މިދިޔަ އަހަރު 2 ވަނައަށް އެންމެ ބޮޑު އާމްދަނީ އެއް ހޯދި ފިލްމެވެ. އެއީ ވެސް ޓެލެގޫ ފިލްމެއްގެ ރިމޭކެކެވެ.
