ހައުސިންގ ޑިވެލޮޕްމަންޓް ކޯޕަރޭޝަން، އެޗްޑީސީގެ މެނޭޖިން ޑިރެކްޓަރުގެ މަޤާމަށް އެކުންފުނީގެ ޑެޕިއުޓީ މެނޭޖިން ޑިރެކްޓަރުގެ މަޤާމު ފުރުއްވަމުންދިޔަ އަޙްމަދު އާތިފް އައްޔަންކޮށްފިއެވެ.
އެޗްޑީސީގެ މެނޭޖިން ޑިރެކްޓަރުގެ މަޤާމަށް އަޙްމަދު އާތިފް އައްޔަންކޮށްފައިވަނީ އެޗް.ޑީ.ސީ.ގެ މެނޭޖިންގ ޑިރެކްޓަރކަމުގެ މަޤާމުން ފުރުއްވަމުން އައި ސުހައިލް އަޙްމަދު، 25 އޮގަސްޓު 2022 އިން ފެށިގެން ރިޓަރޔަރ ވުމުންނެވެ.
އަޙްމަދު އާތިފްއެޗްޑީސީގެ ޑެޕިއުޓީ މެނޭޖިން ޑިރެކްޓަރުގެ މަޤާމަށް އައްޔަންކޮށްފައިވަނީ 2019 ވަނަ އަހަރުގެ މާރޗްމަހުގެ 6 ވަނަ ދުވަހުގައެވެ. އާތިފް އަކީ މެލޭޝިޔާގެ ހާރޓްފޯޑްޝިއަރ ޔުނިވަރސިޓީން އެކައުންޓިންއިން ބެޗްލަރ ޑިގްރީ ހާސިލްކުރައްވާފައިވާ ބޭފުޅެކެވެ. އަދި އާތިފްއަކީ މި ދާއިރާގައި 10 އަހަރުދުވަހުގެ ތަޖުރިބާ ހުރި ބޭފުޅެއްވެސް މެއެވެ.
We are pleased to announce the appointment of Mr. Ahmed Athif, former Deputy Managing Director, as our new Managing Director effective today.
We believe that under his guidance and leadership, we will be able to take Housing Development Corporation on new heights. pic.twitter.com/rMlCMmSt4f
— HDC (@hdcmaldives) September 4, 2022
އާތިފް މީގެ ކުރިން ވަނީ ބޭންކް އޮފް މޯލްޑިވްސްއާއި މޯލްޑިވްސް މަނިޓަރީ އޮތޯރިޓީގައި މަސައްކަތް ކުރައްވާފައެވެ. އަދި ޕްރައިވެޓް ސެކްޓަރގައި ޓެކްސް އޭޖެންޓްއެއްގެ ގޮތުގައިވެސް އާތިފް ވަނީ މަސައްކަތް ކުރައްވާފައެވެ.
ކޮމެންޓު ފޮނުވާ