މާލެ އަތޮޅު މާފުށީގެ ކުނިކޮށްޓަށް ދިގު ޒަމާންތަކެއް ވަންދެން ޖަމާވެފައި ހުރި ކުނިތައް އެއްކޮށް ސާފުކޮށް ހުސްކޮށްފިއެވެ.
އެންވަޔަރމަންޓް މިނިސްޓްރީން ހާމަ ކޮށްފައިވާ ގޮތުގައި، 900 ޓަނުގެ އެކި ބާވަތްތައް ހިމެނޭ މި ކުނިތައް ހުސްކޮށްފައިވަނީ އެންވަޔަރމަންޓް މިނިސްޓްރީން ވެމްކޯއާއި ހަވާލު ކޮށްގެންނެވެ. އަދި ޖަމާވެފައި ހުރި މި ކުނިތައް ގެންދެވޭނީ ތިލަފުއްޓަށް ކަމަށްވެސް އެ މިނިސްޓްރީން ހާމަ ކޮށްފައި ވެއެވެ.
މި ކުނިތައް ހުސްކޮށްފައި ވާކަމަށް ވިދާޅުވެ މިނިސްޓްރީން ކޮށްފައިވާ ޓުވީޓެއްގައި ވިދާޅުވެފައިވަނީ 3.5 މިލިއަން ރުފިޔާ ޚަރަދު ކޮށްގެން ކޮށް ނިންމާފައިވާ މި މަސައްކަތަކީ ފާއިތުވި އެއްވެސް ސަރުކާރަކަށް ކުރެވިފައި ނުވާ މަސައްކަތެއް ކަމުގައެވެ. އަދި މާލެ އަތޮޅާއި ވ. އަތޮޅުގެ ބައެއް ރަށްތަކުގައިވެސް މިގޮތަށް ޖަމާވެފައި ހުރި ކުނިތައް ހުސްކުރުމަށް ހަމަޖެހިފައިވާ ކަމުގައިވެސް މިނިސްޓްރީން ވިދާޅުވެފައި ވެއެވެ.
މި ކުނި ދިގު މުއްދަތެއް ވަންދެން ޖަމާވެފައި ހުރީ އެރަށުގެ ހިއްކާފައިވާ ސަރަހައްދުގައެވެ.
މާލެއަތޮޅު މާފުށީ ކުނިކޮށްޓަށް ޖަމާކުރެވި އެތައްދުވަހެއްވީ ކުނިފުނި ފުރަތަމަ ފަހަރަށް އެއްކޮށްހުސްކޮށް ނިމިއްޖެ. މިކުނިތައް ގެނެވޭނީ ތިލަފުށި ވޭސްޓް ފެސިލިޓީއަށެވެ.
900އަށްވުރެ ގިނަޓަނުގެ އެކިބާވަތުގެ ކުނި ހިމެނޭ މިކުނިފުނި ހުސްކުރީ މިނިސްޓްރީން ވެމްކޯއާއި ހަވާލުކޮށްގެން. pic.twitter.com/5bG98FkINh— Min. of Environment, Climate Change and Technology (@MoEnvmv) August 20, 2022
މާލެ އަތޮޅު މާފުއްޓަކީ ސިނާއި މުހިންމު މަސައްކަތްތަކުގެ އިތުރުން، މާލެ އަތޮޅުގައި ފަތުރުވެރިކަންވެސް އެންމެ ފުޅާ ދާއިރާއެއްގައި ކުރިޔަށްދާ އެއްރަށެވެ. އެހެންކަމުން މި ރަށުގައި ކުނި ރަގަޅު ގޮތުގައި މެނޭޖްކުރުމަކީ ސަރުކާރުން ވަރަށް ބޮޑަށް އިސްކަން ދެއްވާ ކަމެކެވެ.
ކޮމެންޓު ފޮނުވާ