އަބަދުވެސް ވަރަށް ސްޓައިލިޝް ތަރިއެއްގެ ގޮތުގައި ފާހަގަ ކުރެވޭ އެކްޓަރ ސައިފް އަލީ ޚާންގެ 52 ވަނަ އުފަންދުވަހުގެ ތަހުނިޔާ ކިއުމަށް ސޯޝަލް މީޑިއާގައި ކަރީނާ ތަފާތު ފޮޓޯއެއް ހިއްސާ ކޮށްފިއެވެ.
މި ފޮޓޯގައި ސައިފް ހުރީ ލިޕްސްޓިކް ޖައްސައިގެންނެވެ. އަދި ފޮޓޯގައި އޭނާ ހުރީ 'ޕައުޓް' ވެސް ކޮށްގެންނެވެެ. ކަރީނާ އަކީ "ޕައުޓް ކުއީން"ގެ ގޮތުގައި މަޝްހޫރު ތަރިއެކެވެ. ނަމަވެސް ކަރީނާ ވަނީ ސައިފް އޭނާއަށް ވުރެ މޮޅުކަމަށް ބުނެ ތައުރީފް ކޮށްފައެވެ.
މިއީ ދެމަފިރިންގެ މަޖާ މިޒާޖު ވަރަށް ބޮޑަށް ދައްކުވައިދޭ ފޮޓޯއެއް ކަމަށް ފޭނުން ބުނެއެވެ. އަދި މި ދެތަރިންނަކީ ބޮލީވުޑްގެ އެންމެ ލޯބި ކަޕުލް ކަމަށް ވެސް ގިނަ ބަޔަކު ވަނީ ކޮމެންޓް ކޮށްފައެވެ.
ސައިފް ވަނީ މީގެ ކުރިން ބައެއް ފިލްމު ތަކުގައި އަންހެން ހެދުން އަޅައިގެން އަންހެން ކެރެކްޓާތައް ކުޅެފައެވެ. ނަމަވެސް ވަރަށް ފިރިހެންވަންތަ މީހެއްގެ ގޮތުގައި ސިފަކުރާ ސައިފް އަކީ ވަރަށް ސްޓައިލިޝް މީހެއް ވެސް މެއެވެ.
ސައިފް އާއި ކަރީނާ ކައިވެނި ކުރީ 2012 ވަނަ އަހަރުއެވެ. އަދި އެމީހުންނަށް ވަނީ ދެ ފިރިހެން ކުދިން ވެސް ލިބިފައެވެ. ސައިފްގެ އުފަންދުވަހަކީ އޯގަސްޓް 16 އެވެ.
ކޮމެންޓު ފޮނުވާ