ވައްކަމައި، ކޮރަޕްޝަން ހައްދުން ނައްޓައިފައި ކަމަށާއި، މިކަންކަން ހައްލުކޮށް ރައްޔިތުން އެދޭފަދަ އަދުލުވެރި ވެރިކަމެއް ކޮށްދެވޭނީ އެމްއެންޕީގެ ލީޑަރު ކާނަލް މުހައްމަދު ނާޒިމަށް ކަމުގައި އެމްއެންޕީގެ ނާއިބު ރައީސް އަދި މަޝްހޫރު ވިޔަފާރަ ވެރިޔާ ގްލޯރިއާ ހުސެއިން ވިދާޅުވެއްޖެއެވެ.
ރިޔާސީ އިންތިޚާބުގައި ވާދަކުރައްވާނެކަން އެމްއެންޕީން އިއުލާން ކުރައްވާފައިރު، އެޕާޓީން ވާދަކުރާނީ ނާޒިމްކަަމަށް މިހާތަނަށް އެޕާޓީން ވަނީ ބުނެފައެވެ. މިސަރުކާރުގެ ސިޔާސަތުތަކަށް ވަރަށް ބޮޑަށް ފާޑުވިދާޅުވެ ހުސެއިން މިއަދު ކުރެއްވި ޓުވީޓެއްގައި ވިދާޅުވީ، އެތައް ބައެއްގެ ޤުރުބާން ވެގެން ގެނައި ވެރިކަން ވެގެން މިދަނީ އިސްލާމް ދީނުގެ ހުދޫދުން ބޭރުން އެތައް ޖަރީމާއެއް ހިންގާ، މިނިވަންކަން ނަގާލައި އަޅުވެތި، ކަމަށް ޤައުމު ވައްޓާލާފައިވާކަމަށެވެ.
އެތައްބަޔަކު ޤުރުބާން ވެގެން ގެނައި ވެރިކަން ވެގެން މިދަނީ އިސްލާމް ދީނުގެ ހުދޫދުން ބޭރުން އެތައް ޖަރީމާއެއް ހިންގާ، މިނިވަން ކަން ނަގާލައި އަޅުވެތި، ކަމަށް ޤައުމު ވައްޓާލި ވެރިކަމަކަށް، އިޤްތިޞާދު ފުޑާލި އިނދިކީލި ވެރިކަމަކަށް. ވައްކަމައި، ކޮރަޕްޝަން ހައްދުން ނައްޓައިފި.
– ހުސެއިން ވިދާޅުވިއެވެ.
އޭނާ ވިދާޅުވީ، މިއަދު ވެރިކަމުގައިތިބި ސިޔާސީ ލީޑަރުންނަކީ އެތައް ފަހަރަކު ރައްޔިތުންނަށް ޚިދުމަތް ކުރަން ފުރުސަތު ލިބި އެކަންކަމުން ފެއިލްވެފައިވާ ލީޑަރުންކަމަށެވެ. އިތުރަށް ރައްޔިތުން ގުނބޯ ހައްދައިގެން ރައްޔިތުންނަށް ވެރިކަން ކުރުމަށް އުޅުމަކީ އައްޗި ކަމެއްކަމަށް ހުސެއިން ވިދާޅުވިއެވެ.
ފުރުސަތު ލިބި ފެއިލްވި ލީޑަރުން އަދިވެސް ރައްޔިތުންނަށް ގުނބޯ ހައްދަން އުޅުމަކީ "އައްޗި" ކަމެއް. ޤައުމު ސަލާމަތުގެ އައްސޭރިއަށް ގެންދެވެން އޮތީ 2023 ޗޮއިސް އަކަށް ކާނަލް ނާޒިމް ހަދައިގެން.
– ހުސެއިން ވިދާޅުވިއެވެ.
މިވަގުތު ސިޔާސީ މައިދާނުގައި ހަރަކާތްތެރިވާ ޕާޓީތަކުގެ ތެރެއިން އެންމެ ހަރަކާތްތެރި އެއް ޕާޓީގެ ގޮތުގައި ފާހަގަވާ އޮތް އެއް ޕާޓީއަކީވެސް އެމްއެންޕީއެވެ. އަދި އެމްއެންޕީއަކީ ރާއްޖޭގެ ސިޔާސީ މަސްރަހުގައި އޮތް އެންމެ ހަންގު ޕާޓީކަމުގައި ވިނަމަވެސް، އެޕާޓީންދަނީ ގިނަ އިންތިޚާބުތަކެއްގައި ވާދަކޮށް ރަގަޅު ކާމިޔާބީތަކެއްވެސް ހާސިލް ކުރަމުންނެވެ.
މިގޮތުން ދާދިފަހުން އެޕާޓީންވަނީ، ތ.ވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބުގައި ވާދަކުރި ސަރުކާރު ހިންގާ މައި ޕާޓީ އެމްޑީޕީ ބޮޑު ތަފާތަކުން ބަލިކޮށް އިންތިޚާބު ކާމިޔާބު ކޮށްފައެވެ.
One Response
ތިބުނާ ނާޒިމެށްވެރިކަމަށް އަޔަސް ވާނީ މިހެން ތީހަމަ އެއްކަހަލަމީހުން އަހަރެންނާ އަހަރެންގެ އާއިލާ ތިހެންދައްކާހާ ވާހަކަޔަކަށް ވޯޓެއްނުދޭނަން މިފަހަރަކު