ދީނީ އިލްމުވެރިޔާ، ޑރ.އިޔާޒަށް ދީނީ ދަރުސް ދިނުމާއި، ދީނީ ދިލްމު އުގައްނައިދޭން ފުރުސަތުދޭތީ އެމްޑީޕީގެ ޕީޖީ ގްރޫޕްގެ ކުރީގެ ލީޑަރު އަލީ އާޒިމް ކަންބޮޑުވުން ފާޅު ކުރެއްވުމަށް ޑރ.އިޔާޒު އެވާހަކަތަކަށް ރައްދު ދެއްވައިފިއެވެ.
އިސްލާމިކް މިނިސްޓްރީން ކުރިއަށް ގެންދާ އެކި ޕްރޮގުރާމުތަކުގެ ތެރެއިން ތަފްސީރު ގުރުއާން ކުލާސް ނަގައި ދިނުމަށް ޑރ.އިޔާޒު ހަމަޖެއްސައި، އިޔާޒު މި ޕްރޮގުރާމު ކުރިއަށް ގެންދަވާތީ އެކަމާއި ހިތްހަމަޖެހި ވަޑައި ނުގެތް އާޒިމް ވަނީ އިއްޔެ ޓުވީޓު ކުރައްވާފައެވެ.
އާޒިމްގެ މިވާހަތަކަށް ރައްދު ދެއްވައި ޑރ.އިޔާޒު ވިދާޅުވީ ދީނީ އިލްމު އުގަންނައި ދިނުމަށް ފުރުސަތުދޭން ހެޔޮވަރުވާ މީހުންނާއި، ހެޔޮވަރު ނޫން މީހުން ކަނޑައަޅާނީ އަލީ އާޒިމް ނޫންކަމަށެވެ.
ފުރުޞަތުދޭން ހެޔޮވާވަރުގެ މީހުންނާއި އެނޫން މީހުން ކަނޑައަޅާނީ އަލީ އާޒިމް އެއް ނޫން. ސައިޒް އޮޅިވަޑައިގެން ނޫޅުއްވާ. ޑރ.އިޔާޒު ވިދާޅުވިއެވެ.
އާޒިމް އަކީ މީގެ ކުރިންވެސް ޑރ.އިޔާޒަށް ދީނީ ކަންކަމުގައި ފަތުވާ ދިނުމުގެ ހުއްދަ ދީފައިވާތީ އެކަމުގެ ކަންބޮޑުވުން ފާޅުކޮށްފައެވެ. ޑރ.އިޔާޒަކީ މިސަރުކާރު ކޯލިޝަންގައި ހިމެނޭ އަދާލަތު ޕާޓީގެ އިލްމުވެރިންގެ މަޖިލީހުގެ މެމްބަރެކެވެ. ނަމަވެސް އިޔާޒަކީ ސަރުކާރުގެ ތެރޭގައި ހިނގާ އެކި ގޯސްތަކާއި، ދީނާއި ޚިލާފް ކަންކަމަށް ވަރަށް ފާޅުކަން ބޮޑުގޮތެއްގައި ފާޑު ވިދާޅުވާ ބޭފުޅެކެވެ.
ޑރ.އިޔާޒަކީ ދީނީ އިލްމު އުގަންނައި ދެއްވުމުގައި ގިނަ މަސައްކަތްތަކެއް ކުރައްވާ ބޭފުޅެކެވެ. އެގޮތުން ތައުލީމީ ދާއިރާގައާއި، އެނޫން މަރުހަލާތަކުގައިވެސް އިސްލާމީ ތައުލީމް އުގަންނައި ދެއްވުމަށް ގިނަ މަސައްކަތްތަކެއް ޑރ.އިޔާޒު ގެންދަވަނީ ކުރައްވަމުންނެވެ.
ކޮމެންޓު ފޮނުވާ