މިއަދު ބޭއްވި ތ.ވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބުގައި ވާދަކުރި ސަރުކާރު ހިންގާ މައި ޕާޓީ އެމްޑީޕީ ބޮޑު ތަފާތަކުން ބަލިވެއްޖެއެވެ. މި އިންތިޚާބުގައި އެމްޑީޕީ ބަލިކޮށް އެ ގޮނޑި ކާމިޔާބުކުރީ ދާދި ފަހުން އުފައްދާފައިވާ މޯލްޑިވްސް ނޭޝަނަލް ޕާޓީ (އެމްއެންޕީ) އިންނެވެ.
އިންތިޚާބުގެ ވަގުތީ ނަތީޖާ ދައްކާގޮތުގައި އިންތިޚާބު ކާމިޔާބުކުރި އެމްއެންޕީއަށް ލިބިފައިވަނީ 132 ވޯޓެވެ. އަދި އެމްޑީޕީގެ ކެނޑިޑޭޓަށް ލިބިފައިވަނީ 89 ވޯޓެވެ. ދެ ކެނޑިޑޭޓުންގެ ދެމެދުގައި 43 ވޯޓުގެ ފަރަގެއްވެއެވެ.
އައްޑޫ ސިޓީ ހިތަދޫ އަދި ތ. ވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަންގެ ވޯޓުގުނުމުގެ ތެރެއިން pic.twitter.com/YKqLb0enB3
— Elections Commission (@ElectionsMv) July 23, 2022
ފަހަކަށް އައިސް ބާއްވާ ގިނަ ބައި އިލެކްޝަންތައް އެމްޑީޕީއަށް ނާކާމިޔާބުވެއެވެ.
މިއަދު ވަނީ ވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި އިލެކްޝަންގެ އިތުރުން އައްޑޫ ސިޓީ ހިތަދޫގެ އަންހެނުންގެ ތަރައްޤީއަށް މަސައްކަތް ކުރާ ކޮމިޓީގެ ބައި އިލެކްޝަންވެސް ބާއްވާފައެވެ.
ކޮމެންޓު ފޮނުވާ