އއ. ބޮޑުފޮޅުދޫ އިންޖީނުގޭގައި ސޯލާޕެނަލް ހަރުކުރުމުގެ މަސައްކަތް ސްޓެލްކޯއިން ނިންމާލައިފިއެވެ.
މިއީ ސަރުކާރުގެ ސިޔާސަތުތަކާއި އެއްގޮތަށް ހަކަތަ އުފެއްދުމުގައި، ތެލަށް ބަރޯސާވާ މިންވަރު ކުޑަ ކުރުމަށާއި، އިޔާދަކުރަނިވި ހަކަތަ އުފެއްދުން އިތުރު ކުރުމަށް ކުރަމުންދާ މަސައްކަތުގެ ތެރެއިން ސްޓެލްކޯއިން ކުރިއަށްގެންދިޔަ މަސައްކަތެކެވެ،
އިޔާދަކުރަނިވި ހަކަތަ އިތުރުކުރުމަށް ސްޓެލްކޯއިން އަތޮޅުތެރޭގައި ގިނަ މަސައްކަތްތަކެއް ކުރިއަށް ގެންދާއިރު، މާލޭގައި 2 މެގަވޮޓުގެ ހަކަތަ އުފެއްދޭނެ ސޯލާ ޕެނަލް ޖެހުމުގެ މަސައްކަތް މިއަހަރު ފަށާނެކަމަށް ސްޓެލްކޯގެ މެނޭޖިންގ ޑިރެކްޓަރ އަޙްމަދު ޝަރީފް މީގެކުރިން ވަނީ ވިދާޅުވެފައެވެ.
ސަރުކާރުގެ ސިޔާސަތުތަކާއި އެއްގޮތަށް ހަކަތަ އުފެއްދުމުގައި، ތެލަށް ބަރޯސާވާ މިންވަރު ކުޑަ ކުރުމަށާއި، އިޔާދަކުރަނިވި ހަކަތަ އުފެއްދުން އިތުރު ކުރުމަށް ކުރަމުންދާ މަސައްކަތުގެ ތެރެއިން، އއ. ބޮޑުފޮޅުދޫ އިންޖީނުގޭ ފުރާޅުގައި ސޯލާޕެނަލް ހަރުކުރުމުގެ މަސައްކަތް މިހާރު ވަނީ ނިމިފައި. pic.twitter.com/O8aSdKoh7a
— STELCO (@STELCOMALDIVES) June 9, 2022
އެގޮތުން ޝަރީފް ވިދާޅުވީ، ތެލަށް ބަރޯސާވާ މިންވަރު ކުޑަކުރުމަށް އަވިން ހަކަތަ އުފެއްދުމުގެ މަސައްކަތް އެކުންފުނިން ވަރަށް ގިނަ ރަށްރަށުގައި މިހާރުވެސް ކުރަމުން އަންނަ ކަމަށެވެ. އަދި މާލޭގައި މި މަސައްކަތް ކުރުމަށް ވިސްނާފައިވަނީ ބައެއް ގޭގޭގެ ފުރާޅު ކުއްޔަށް ނަގައިގެން ސޯލާ ޕެނަލް ހަރުކޮށްގެން ކަމަށް ޝަރީފްވަނީ ވިދާޅުވެފައެވެ.
ބޮޑުފޮޅުދޫގެ އިތުރުން އެއަތޮޅު ފެރިދޫ އިންޖީނުގޭ ފުރާޅުގައި ސޯލާޕެނަލް ހަރުކުރުމުގެ މަސައްކަތްވެސް ސްޓެލްކޯއިން މިމަހު ވަނީ ނިންމާލާފައެވެ.
