އިންޓަނޭޝަނަލް އިންޑިއަން ފިލްމު އެކަޑަމީ (އައިފާ) އެވޯޑް ހަފްލާ ހޮނިހިރު ދުވަހު ބާއްވާފައި ވާއިރު ގިނަ އާ ތަރިންތަކެއް އެވޯޑް ވަނި ގެންގޮސްފައެވެ.
އޭލިސްޓްގެ ތަރިން ކަޓުވާލުމަށް ފަހު މިފަހަރު ބެސްޓް އެކްޓަރުގެ އެވޯޑް ގެންދިޔައީ ވިކީ ކޯޝަލް އެވެ. އަދި ބެސްޓް އެކްޓްރެސް އެވޯޑް ގެންދިޔައީ ކްރިތީ ސެނޮން އެވެ.
We're so delighted to share that #KritiSanon has won the IIFA Award for Performance in a Lead Role Female for her role in Mimi.#IIFA2022 #YasIsland #InAbuDhabi #NEXA #CreateInspire #Sportsbuzz #EtihadArena #RajshreeElaichi #Josh #Dailyhunt pic.twitter.com/80h7Ago2uo
— IIFA (@IIFA) June 4, 2022
މި ހަފުލާގައި ސަލްމާން ޚާން، ޝާހިދު ކަޕޫރު، ވިކީ ކޯޝަލް، ކްރީތީ ސެނޯން، އަބީޝެކް ބައްޗަން، އައިޝްވަރިޔާ ރާއީ، އަނަންޔާ ޕާންޑޭ، ސާރާ އަލީ ޚާން، އޭ.އާރް ރަހްމާން، ޓައިގާ ޝްރޮފް އަދި ނޯރާ ފަތޭހީ ފަދަ ތަރިން ބައިވެރިވި އެވެ.
މިފަހަރު އެންމެ ގިނަ އެވޯޑް ހޯދި ފިލްމްއަކީ "ޝޭރްޝާހް" އަށެވެ. މި ފިލްމުން ފެނިގެންސް ގޮސްފައިވަނީ ދެ ލޯބިވެރިން ކަމުގައިވާ ކިއާރާ އަދުވާނީ އާއި ސިދާތެވެ.
#VickyKaushal's performance in Sardar Udham was truly a remarkable one.
Congratulations on receiving the IIFA Award for Performance for a Lead Role Male.#IIFA2022 #YasIsland #InAbuDhabi #NEXA #CreateInspire #Sportsbuzz #EtihadArena #RajshreeElaichi #Josh #Dailyhunt #ColorsTv pic.twitter.com/op4CI1dIUk— IIFA (@IIFA) June 4, 2022
އަލަށް ތައާރަފްވީ އެކްޓަރުންގެ ތެރެއިން މިފަހަރު ބެސްޓް ޑެބިއު އެވޯޑު ލިބުނީ "ތަޅަޕް" އިން އާހާން ޝެއްޓީ އަށާއި "ބަންޓީ އޯރް ބަބްލީ 2″ގެ ބަތަލާ ޝަރްވަރީ ވާގް އަށެވެ.
ބެސްޓް ޑައިރެކްޓަރަކަށް ހޮވުނީ "ޝޭރްޝާހް" ގެ ޑައިރެކްޓަރ ވިޝްނޫ ވަރްދަން އެވެ. އެންމެ މޮޅު މިއުޒިކްގެ އެވޯޑުތައް ވެސް ލިބުނީ "ޝޭޜްޝާހް" އަށެވެ. އޭގެ ތެރޭގައި އެ ފިލްމުގެ މިއުޒިކް ތައްޔާރު ކޮށްދީގެން އޭ.އާރް ރަހްމާނާއި އެނޫންވެސް އެ ފިލްމުގެ މިއުޒިކް ތައްޔާރު ކޮށްދިން ގިނަ މިއުޒީޝަނުންނަށް ލިބުނު އެވޯޑުތައް ފާހަގަ ކޮށްލެވެއެވެ.
އެންމެ މޮޅު ލަވަކިޔުންތެރިޔާގެ އަންހެން އަދި ފިރިހެން ބައިގެ އެވޯޑު ވެސް ގެންދިޔައީ "ޝޭރްޝާހް"ގެ "ރާތޭން ލަމްބިޔާ" ކިޔައިދިން ޖުބިން ނައުޓިޔާލް އާއި އަސީސް ކޯރެވެ.
އަބޫ ދާބީގައި މިއަހަރުގެ އައިފާ ބޭއްވި އިރު މި ހަފްލާ މިފަހަރުވެސް ވަރަށް ކުލަ ގަދަކޮށް ވަނީ ކުރިއަށް ގެންގޮސްފައެވެ. މި ހަފްލާގައި ފޯރިގަދަ ހުށައެޅުންތަކެއްވެސް ވަނި ފެނިގެން ގޮސްފައެވެ.
