އޮމާންއިން އާ ތެޔޮ ވަޅުތަކެއް ފެނި، އެގައުމުން ތެޔޮ އުފައްދާ މިންވަރު ކުރިޔަށް އޮތް 3 އަހަރު ތެރޭ ދެގުނަ ވެގެން ދާނޭކަމަށް އެގައުމުގެ ރަސްމީ ނޫސް އޭޖެންސީން ހާމަ ކޮށްފިއެވެ. އޮމާންގެ އެނާރޖީ އެންޑް މިނެރަލްސް މިނިސްޓަރު މުހައްމަދު ބިން ހަމަދު އަލް ރުމްހީއާއި ހަވާލާދީ ރަސްމީ ނޫސް އޭޖެންސީން ހޮނިހިރު ދުވަހު ހާމަ ކޮށްފައިވާ ގޮތުގައި ކުރިޔަށް އޮތް 2 ނުވަ 3 އަހަރު ތެރޭ އެގައުމުން ތެޔޮ އުފައްދާ މިންވަރު 50،000 ފީފާއިން ދުވާލަކަށް 100،000 ފީފާއަށް އިތުރު ކުރެވިގެން ދާނެ ކަމަށެވެ.
އޭނާ ވިދާޅުވެފައިވާ ގޮތުގައި އޮމާންގައި މިވަގުތު ހުރި ކުރޫޑު އޮއިލްގެ މިންވަރަކީ 5.2 ބިލިއަން ފީފާގެ ސާފުނުކުރާ ތެޔޮ ކަމަށާއި، ގޭސް ރިޒާވްގައި ހުރީ ގާތްގަޑަކަށް 24 ޓްރިލިއަން ކިއުބިކް ފީޓްގެ ތެޔޮ ކަމަށެވެ.
