ވަޒީރުންނާއިއެކު، ސީޕީ ހަމީދު ބައިވެރިވެ ވަޑައިގެން ޕޮލިސް ސްޓޭޝަނެއްގައި ކާން ތިބި ފޮޓޯގެ ތަފްސީލް ކަމިޝަނަރ އޮފް ޕޮލިސް މުހައްމަދު ހަމީދު ދެއްވައިފިއެވެ.
ގިނަބައެއްގެ ފާޑުކިޔުން އަމާޒުވި މި ފޮޓީގައި ފެނިގެންދަނީ ޖާގަ ކުޑަ ޕޮލިސް ސްޓޭޝަނެއްގެ ސިޓިން ރޫމުގައި ވަޒީރުންނާއި، ސީޕީ ހިމެނޭހެން އެ ސްޓޭޝަންގެ ފުލުހުން ކާން ތިބި ތަނެވެ. މި ފޮޓޯގައި ފެންނަ ކެެއުމުގައި ބައިވެރިވެ ވަޑައިގަންނަވާ ވަޒީރުންނަކީ، މިނިސްޓަރ އަސްލަމާއި، މިނިސްޓަރ އަމީރުއެވެ.
ސީޕީ ވިދާޅުވީ، މިއީ އއ.އުކުޅަކު ޕޮލިސް ސްޓޭޝަނުން ތައްޔާރުކުރި މެންދުރުގެ ކެއުމެއް ކަމަށެވެ. އުކުޅަކު ޕޮލިސް ސްޓޭޝަނަކީ ޖާގަ ކުޑަ ޕޮލިސް ސްޓޭޝަނަކަށްވުމުން އެތަނުގައި ކާންތިބި ސިޓީން ރޫމަކީވެސް ކުޑަކުޑަ ސިޓިން ރޫމެއްކަމަށެވެ. މިކެއުމަށްފަހު ކަމާއި ގުޅުންހުރި ވަޒީރުންވަނީ އެސްޓޭޝަން ބައްލަވާ ލައްވާފައިކަމަށްވެސް ސީޕީ ވިދާޅުވިއެވެ.
During the recent #Viavathi conference, officers from Ukulhahu Police Post treated 2 Ministers with a Dhivehi meal. The sitting room is the accommodation area of this very small Police Post. Apart from a meal, Ministers got to witness conditions police operate under, in islands. pic.twitter.com/Pd3lJOKk3S
— Mohamed Hameed (@M_Hameedh) June 1, 2022
އއ.އުކުޅަހުގައި ބޭއްވި ވިވަތި ކޮންފަރެންސުގައި ސީޕީ ހަމީދާއި، ފުލުހުންގެ އިސްވެރިން ވަނީ ބައިވެރިވެ މުހިންމު މައުލޫމާތުތަކެއް ދެއްވާފައެވެ. ފުލުހުން ހުށަހެޅި ޕްރެޒެންޓޭޝަނުން ހާމަވާގޮތުގައި މާލޭގައި އެކަނިވެސް 44 ގޭންގު އުފެދިފައިވެއެވެ. އެއީ 1990އިގެ ކުރީކޮޅުން ފެށިގެން ލިސްޓުކުރެވިފައިވާ ގޭންގުތަކެއްކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ، ކޮންމެ ދުވަހަކުވެސް މަގުތަކަށް ނުކުމެ މާރާމާރީ ހިންގާ، މަސްތުވާތަކެތީގެ ވިޔަފާރި ކުރުމުގައި ޢަމަލީގޮތުން ހަރަކަތްތެރި 9 ގޭންގު ފާހަގަކުރެވިފައިވާކަމަށެވެ. މިފަދަ 44 ގޭންގުގައި 2800އަށްވުރެ ގިނަ މީހުން ލިސްޓްކޔރެވިފައިވާކަމަށް ފުލުހުން ވިދާޅުވެއެވެ. އޭގެތެރެއިން ނުރައްކާތެރި ކުށްތަކަށް އަރައިގަންނަ 1300އެއްހައި މީހުން އުޅެއެވެ. އަދި އެ ގޭންގުތަކުގައި 60 ކުޑަކުދިންވެސް ހިމެނޭކަމަށް ފުލުހުން ވިދާޅުވިއެވެ.
މިހާތަނަށް ގޭންގު މާރާމާރީތަކުގައި 31 މީހަކު މަރާލާފައިވާކަމަށް ފުލުހުން ވިދާޅުވިއެވެ. އޭގެތެރޭގައި 9 ކުޑަކުދިން ހިމެނޭއިރު، އޮޅިގެން ގޭންގު ކުށްތަކަށް ނިސްބަތްނުވާ 6 މީހަކު މަރާލާފައިވާކަމަށްވެސް ފުލުހުން ވިދާޅުވިއެވެ.
