އިންޑިޔާގެ ނިއު ދިއްލީ އަދި މައިސޫރަށް ފުރަން ހަމަޖެހިފައިވާ 12 ވަނަ ބެޗްގެ ސިވިލް ސަރވަންޓުންނަށް ރަސްމިއްޔާތެއް ބާއްވާފައިއެެވެ.
ނެޝަނަލް ސެންޓަރ ފޯ ގުޑް ގަވަނަންސް (އެން.ސީ.ޖީ.ޖީ) އިން "ކެޕޭސިޓީ ބިލްޑިންގ ޕްރޮގްރާމް އިން ދަ ފީލްޑް އެޑްމިނިސްޓްރޭޝަން" އަށް ޙާއްސަ ކޮށްގެން ހިންގާ މި ތަމްރީންގައި މިނިސްޓްރީ އޮފް ޕްލޭނިންގ، ހައުސިންގ އެންޑް އިންފްރާސްރަކްޗަރގެ ޕާރމަނެންޓް ސެކްރެޓަރީ ޒީނިޔާ އިސްވެ ހުންނަވާ ސިވިލް ސަރވިސްއިން 40 އިސް މަޤާމްތަކުގެ މުވައްޒަފުންގެ ވަފުދެއްވަނީ މި ތަމްރީންއަށް ވަޑައިގަތުމަށް ވަނީ ހަމަޖެހިފައިއެވެ.
އިންޑިއަން ހައިކޮމިޝަންގެ ޗާޖް ޑެ އެފެއަރޒް ރޯހިޓް ރަތިޝް ވަނީ ސިވިލް ސަރވިސްގެ ރައީސް އާއިއެކު މި ރަސްމިއްޔާތުގައި ބައިވެރިވެފައިއެވެ.
ޗާޖް ޑެ އެފެއަރޒްގެ ވާހަކަފުޅުގައި، މި އެކުލެވިފައިވާ ވަފުދުގައި އެކި އަތޮޅުތަކާއި މިނިސްޓްރީތަކުގެ މުއައްޒަފުން އަދި އަންހެން ބައިވެރިންގެ ރަނގަޅު ޙިއްސާ އެއްވާކަމުން އުފާކުރެއްވިއެވެ. އަދި މިއީ ސިވިލް ސަރވިސް މުވައްޒަފުންގެ 12ވަނަ ބެޗަށްވެފައި، ލޯކަލް ކައުންސިލްތަކާއި ޕާރމަނެންޓް ސެކްރެޓަރީ ފަދަ އިސް މަޤާމްތަކުގެ މުވައްޒަފުންގެ މައްޗަށް އެކުލެވިގެންވާ 2ވަނަ ބެޗްކަމުގައި ފާހަގަކުރެއްވިއެވެ.
މިމުވައްޒަފުންނަށް އީ-ގަވަރނަންސް މެކޭނިޒަމްތަކާއި، ލީޑާރޝިޕް ޕެރެޑައިމްސް އަދި މިނިވަން މުއައްސަސާތަކުގެ ހިންގުމާއި ގުޅޭގޮތުން ތަމްރީން ދެވިގެންދާނެއެވެ. ހަމައެހެންމެ، މި އެމް.އޯ.ޔޫ ތަންފީޒުކުރުމުގައި ސިވިލް ސަރވިސް އިން ދެއްވާ އެއްބާރުލުމަށް އެބޭފުޅާ ޝުކުރު ދެންނެވިއެވެ.
އެން.ސީ.ޖީ.ޖީ އާއި ސީ.އެސް.ސީއާ ދެމެދު ކުރެވިފައިވާ މި.އެމް.އޯ.ޔޫ ގައި ސޮއިކުރެވިފައިވަނީ ބޮޑު ވަޒީރު ނަރެންދްރަ މޯދީ ޖޫން 2019 ގައިރާއްޖެއަށް ކުރެއްވި ރަސްމީ ދަތުރުފުޅުގެ ތެރެއިން އެވެ. މިހާތަނަށް ރާއްޖޭގެ 350 ސިވިލް ސަރވަންޓުންވަނީ މި އެމް.އޯ.ޔޫގެ ދަށުން ތަމްރީން ކުރެވިފައިއެވެ.
