އަންހެނުންނާއި އަންހެން ކުދިންނަށް ކުރިމަތިވާ ގެވެށި އަނިޔާއާއި ޖިންސީ އެކިއެކި ފުރައްސާރައާ ގުޅޭގޮތުން އެހީތެރިކަން ފޯރުކޮށްދިނުމަށް، ވުމެން އެންޑް ޑިމޮކްރަސީ ޖަމިއްޔާގެ ފަރާތުން ތަޢާރަފްކޮށްފައިވާ ހޮޓްލައިން އިތުރަށް ފުޅާކޮށް ކުރިއަށް ގެންދިއުމަށް އިނގިރޭސި ރާނީގެ ޓްރަސްޓުން އެހީތެރިކަން ފޯރުކޮށްދީފިއެވެ.
ކޯވިޑް-19ގެ ސަބަބުން ނަފްސާނީ އެހީތެރިކަން ބޭނުންވާ އަންހެނުންނަށް ހިލޭ އެހީތެރިކަން ފޯރުކޮށްދިނުމަށް އެޖަމިއްޔާއިން ވަނީ ހޮޓްލައިނެއް ގާއިމުކޮށްފައެވެ.
ވިމެން އެންޑް ޑިމޮކްރަސީގެ ރައީސާ ސަފާތު އަހުމަދު ޒާހިދު ވިދާޅުވީ މި ހޮޓްލައިނަކީ އަންހެނުންނަށް ކުރިމަތިވާ ނަފްސާނީ އެކިއެކި ކަންކަމުގައި ހިލޭ އެހީތެރިކަން ފޯރުކޮށްދިނުމަށް ގާއިމްކުރި ހޮޓްލައިނަކަށް ވީނަމަވެސް މި ހޮޓްލައިނުން އަންހެނުންނަށް ކުރިމަތިވާ ގެވެށި އަނިޔާއާއި ޖިންސީ ގޯނާގެ ކަންކަމާގުޅޭ އެހީތެރިކަންވެސް ފޯރުކޮށްދެމުން ގެންދާކަމަށެވެ.
މި ހޮޓްލައިންގެ ހިދުމަތް ހޯދާ ފަރާތްތަކުގެ މައުލޫމާތު ސިއްރުކުރެވޭނެ ކަމަށާއި ހޮޓަލައިނަށް އެއްވެސް މީހެއްގެ ފަރާތުން ހިއްސާކުރާ މައުލޫމާތެއް އެހެން އެއްވެސް ފަރާތަކަށް ހިއްސާނުކޮށް ކޮންފިޑެންޝަލް މައުލޫމާތެއްގެ ގޮތުގައި ހުންނާނެކަންވެސް އެ ޖަމިއްޔާއިން ފާހަގަކުރެއެވެ.
ކުއީންސް ކޮމަންވެލްތު ޓްރަސްޓުގެ އެހީތެރިކަމާއެކު، ހޮޓްލައިންގެ ހިދުމަތް ފުޅާކުރާއިރު ހެލްޕް ލައިންގެ އިތުރުން ގާނޫނީ އެހީތެރިކަމާއި ސައިކޮލޯޖިކަލް ކައުންސެލިންގެ ހިދުމަތް ވެސް ފޯރުކޮށްދޭނެކަމަށް އެ ޖަމިއްޔާއިން ބުނެއެވެ.
PRESS RELEASE : Women & Democracy to continue Women's Helpline with support from the @queenscomtrust.
W&D wishes Her Majesty Queen Elizabeth II our heartfelt congratulations on the occasion of her Platinum Jubilee.
Read more in our press statement????#PlatinumJubilee #70for70 pic.twitter.com/T7C75pxxQX
— Women & Democracy (@wdmaldives) May 22, 2022
މިކަން އިއުލާން ކޮށްފައިވަނީ އިނގިރޭސި ރާނީ ތަހުތަށް އިސްކުރެވުނުތާ 70 އަހަރު ފުރުމުގެ މުނާސަބަތާއި ގުޅުވައިގެންނެވެ. ވިމެން އެންޑް ޑިމޮކްރަސީގެ އަންހެނުންނަށް ހާއްސަ ހޮޓްލައިނަކީ 9494869 އެވެ.
