އިރާންގެ ރިވޮލިއުޝަނަރީ ގާރޑްސް ކޯޕް (IRGC)ގެ އިސް ކާރނަލަކު އިރާންގެ ވެރިރަށް ތެހެރާންގައި ބަޑިން ހަމަލާދީ އަވަހާރަ ކޮށްލާފައިވާކަން ރިވޮލިއުޝަނަރީ ގާރޑް ކޯޕްސްއިބް މިއަދު ނެރުނު ބަޔާނެއްގައި ބުނެފިއެވެ.
އައިއާރުޖީސީން ނެރުނު ބަޔާނުގައި ބުނެފައިވަނީ، މިއަދު އަވަހާރަ ކޮށްލާފައިވަނީ ކާރނަލް ސަޔަދު ޚޮދައި ކަމަށާއި، އަދި އޭނާ އަވަހާރަ ކޮށްލާފައިވަނީ "އެންޓި ރޮވޮލިއުޝަން އެންޑް އޭޖެންޓްސް އޮފް ގްލޯބަލް އެރޮގަންސް" އިން ކަމުގައެވެ.
އިރާނުން އާންމު ގޮތެއްގައި "އެންޓި ރިވޮލިއުޝަން" ބޭނުން ކުރަނީ ސަރުކާރާއި ދެކޮޅު ގުރޫޕްތަކަށް ނިސްބަތް ކުރުމަށެވެ. އަދި "ގްލޯބަލް އެރޮގަންސް" މިބަސް ބޭނުން ކުރަނީ އެމެރިކާއާއި އެގައުމުގެ ބައިވެރިންނަށް ނިސްބަތް ކޮށެވެ.
އިރާނުގެ ސެމީ-އޮފިޝަލް ފާރސް ނޫން އޭޖެންސީން ރިޕޯޓު ކޮށްފައިވާ ގޮތުގައި، ޚޮދައި އަވަހާރަ ކޮށްލާފައިވަނީ، ހަވީރު 4:00ގައި އޭނާގެ ގޭގެ ކައިރިން ސައިކަލުގައި ދުއްވާފައިދިޔަ 2 މީހަކު އޭނާއަށް އަމާޒުކޮށް 5 ވަޒަން ފޮނުވާލައިގެން ކަމުގައެވެ.
އިރާނުގެ ދައުލަތުގެ މީޑިއާއިން ޚޮދައި ސިފަ ކޮށްފައިވަނީ "ޝްރައި ޑިފެންޑަރ"އެއްގެ ގޮތުގައެވެ. އަވަހާރަވާ އެގައުމުގެ ސިފައިންގެ މީހުންނަށް މި އިބާރާތް އިރާނުން ބޭނުން ކުރަނީ ސިރިޔާއަށް ގޮސް، ބައްޝަރުލް އަސަދުގެ ސިފައިންނާ އެކީ ހަނގުރާމަ ކޮށްފައިވާ އިރާނުގެ ސިފައިންނާ މުޚާތަބް ކޮށެވެ.
