ޤައުމީ ސަލާމަތީ ބާރުގައި ހިމެނޭ ސިފައިންގެ މީހަކު އިދިކޮޅު ކޯލިޝަނުން ރޭ މާލޭގައި ކުރިއަށްދިޔަ ހިނގާލުމުގައި އަންހެނެއްގެ އަތުގައި އޮތް "އިންޑިއާ އައުޓް" ދިދައެއް އަތުލަން އެއަންހެން މީހާ ފަހަތުން ދުވާ ވީޑިއޯއަށް ގިނަ ބައެއްގެ ފާޑުކިޔުން އަމާޒުވެއްޖެއެވެ.
އުމުރުން އެންމެ 19 އަހަރުގެ ޕީޕީއެމްގެ ޔޫތު މެންބަރެއް ކަމުގައިވާ ނުހާގެ ފަހަތުން ސިފައިންގެ އޮފިޝަލު ދުވަންފެށީ އޭނާ އަތުގައި އޮތް "އިންޑިއާ އައުޓް" ދިދަ އަތުލުމަށެވެ. ސިފައިންގެ ފިރިހެން އޮފިސަރަށް އެއަންހެން މީހާ އަތުނުލެވި ހުސްއަތާ އަންނަތަން ވީޑިއޯއިން ފެނެއެވެ.
Our youth activist @nuhaa_aaa chased by an officer. The only “crime” you see Nuha committing in this video is standing up against the brutal administration of @ibusolih. #IndiaOut #Maldives @Independent @BBCWorld @cnni @TheGardianNews @hrw @amnesty @humanrights1st @CBCNews pic.twitter.com/RWg9xtuWtr
— shahilmueen (@shahilmueenn) May 19, 2022
މިވީޑިއޯ ސޯޝަލް މީޑިއާގައި ދައުރުވަމުންދާއިރު، ގިނަ ބަޔަކު ދަނީ މިކަމަށް ފާޑުކިޔަމުންނެވެ. ޚާއްސަކޮށް ސަލާމަތީ ބާރުތަކުން ދިދައެއް އަތުލުމަށްޓަކައި މީހަކު ފަހާ ދުވަންޖެހޭ ސަބަބެއް ނުވިސްނޭކަމަށް މި ވީޑިއޯއަށް ކޮމެންޓް ކުރިމީހުން ބުނެފައެވެ. އަދި ސިފައިންގެ ފިރިހެން އޮފިސަރަކަށް އަންހެނަކު ފަހަތުން ދުވެ އަތުނުލެވުމަކީވެސް ލަދުވެތި ކަމެއްކަމަށް ގިނަ ބަޔަކު ދަނީ ބުނަމުންނެވެ.
What on earth is this!!! @MohamedNasheed @ibusolih @evattey @abdulla_shahid @article19UN @hrw @amnesty https://t.co/8mu5jiMx1D
— Ahmed Shaheed (@ahmedshaheed) May 19, 2022
ރޭގެ އެއްވުމުން ނުހާ ވަނީ ހައްޔަރުކޮށް ފުލުހުންގެ ބެލުމުގެ ދަށަށް ގެންގޮސްފައެވެ. އޭނާ ގެންދިޔަ ފަހުން ފުލުހުން އޭނާއަށް އަނިޔާކުރިކަމުގެ ތުހުމަތު އިދިކޮޅު ކޯލިޝަނުން ވަނީ ކޮށްފައެވެ. ސަބަބަބީ އޭނާ ފުލުހުންގެ ބެލުމުގެ ދަށަށް ގެންދިޔައިރު އެއްވެސް އަނިޔާއެއް ލިބިފައިނުވާއިރު، ފުލުހުންގެ ބެލުމުގެ ދަށަށް ގެންދިޔަ ފަހުން އޭނާ ހޮސްޕިޓަލަށް ގެންގޮސް ފަރުވާ ދޭންޖެހުމުންނެވެ.
They say “Bulls are color blind, especially to red color! But why is @MNDF_Official soldier so peeved of the girl whipping the red flag ???? that his “fight or flight” response is activated. Must be so stressful and frightening ????! @ahmedshaheed https://t.co/quKFU0ENrq
— Muhammad Aiysh (@Muhammad_Aiysh) May 19, 2022
ޤާނޫނު އަސާސީގެ 27 ވަނަ މާއްދާގައި ބުނެފައިވަނީ މިނިވަންކަމާއެކު ފިކުރުކުރުމާއި، އިސްލާމްދީނުގެ އަޞްލަކާ ޚިލާފުނުވާ ގޮތެއްގެމަތީން އެމީހެއްގެ ބުއްދިއަށް ފެންނަ ގޮތްތަކާއި، ޚިޔާލުތައް ދުލާއި ޤަލަމުން އަދި މިނޫންވެސް ގޮތްގޮތަށް ފާޅުކުރުމުގެ މިނިވަންކަން ކޮންމެ މީހަކަށްމެ ލިބިގެންވާކަމަށެވެ. އަދި ޤާނޫނު އަސާސީގެ 32 ވަނަ މާއްދާގައި ބުނެފައިވަނީ ދައުލަތުގެ ހުއްދައެއް ކުރީން ހޯދުމަކާނުލައި ސުލްޙަވެރިކަމާއެކު އެއްވެއުޅުމުގެ މިނިވަންކަން ކޮންމެ މީހަކަށްމެ ލިބިގެންވާކަމަށެވެ.
ކޮމެންޓު ފޮނުވާ