މިސްވޯލްޑް މަނޫޝީ ޗިއްލަރު ބޮލީވުޑަށް ތައާރަފްވާ ފުރަތަމަ ފިލްމު "ޕްރިތުވީރާޖް"ގެ ޓްރެއިލާ މިހާރު ވަނީ ދައްކައިލާފައެވެ.
ޝައުގުން ފުރިގެން ވި މިޓްރޭލާގައި ދައްކުވައިދެނީ ހަނގުރާމައިގެ އެކި މަންޒަރުތަކެވެ. އިންޑިއާގެ ކުރީގެ ރަސްކަލެއް ކަމަށްވާ ޕްރިތުވިރާޖް ޗޯހާންއާ ބެހޭގޮތުން ހަދާފައިވާ މި ފިލްމަކީ ޑރ. ޗަންދުރަޕްރަކާޝް ދިވެދީ ޑައިރެކްޓްކޮށްފައިވާ ތާރީހީ ހަނގުރާމަ ފިލްމެކެވެ.
ފިލްމުގައި މަނޫޝީ އާއެކު ފެނިގެންދަނީ އަކްޝޭ ކުމާރެވެ. މިހާރު ފިލްމުގެ ޕްރޮމޯޝަންތައް ވަރަށް ބާރަށް ކުރިއަށް ދާއިރުގައި ފިލްމު ރިލީޒް ކުރާނީ އަންނަ މަހުގެ 3 ގައެވެ.
ފިލްމާއި ބެހޭގޮތުން ވާހަކަ ދައްކަމުން މަނޫޝީ ބުނީ މި ފިލްމަކީ އޭނާއަށް ވަރަށް ހާއްސަ ފިލްމެއް ކަމަށާއި މި ފިލްމު ސުޕަސްޓާރަކާއި އެކުގައި ކުޅުމަކީ ވަރަށް ބޮޑު ޒިންމާއެއް ކަމަށްވެސް އޭނާ ބުނެފައިވެއެވެ. އަދި މިއީ އޭނާގެ ފުރަތަމަ ފިލްމު ކަމަށާއި ސެޓުގައި އެންމެވެސް ވަރަށް އެހީތެރިވީކަމަށް ވަނީބުނެފައެވެ.
View this post on Instagram
މި ފިލްމުގައި މަނޫޝީ ފެންނަނީ ޕްރިތުވީރާޖްގެ ޕްރިންސެސް ސަންޔޯގީތާގެ ރޯލުންނެވެ. އޭނާ ބުނެފައިވާ ގޮތުގައި މިހާތަނަށް އަދި ލިބެމުން ގޮސްފައި ވަނީ ވަރަށް ޕޮޒިޓީބް ކޮމެންޓްތަކެކެވެ.
މި ފިލްމްގައި މަނޫޝީ އަދި އަކްޝޭގެ އިތުރުން މުހިންމު ރޯލުތަކުން ސަންޖޭދަތާއި ސޯނޫ ސޫދު ވެސް ފެނިގެން ދާނެއެވެ.
