2021 ވަނަ އަހަރު ކައިވެނި ކުރި ބޮލީވުޑްގެ ދެ ތަރިން ކަމުގައިވާ ކެޓްރީނާ ކައިފް އާއި ވިކީ ކޯޝަލް އަންނަނީ ސޯޝަލް މީޑިއާގައި ވަރަށް ބޮޑަށް ހަރަކާތްތެރި ވަމުންނެވެ.
ދެމީހުން އެކަކު އަނެއްކަކު ދެކެވާ ލޯބި ސޯޝަލް މީޑިއާގައި މިދެތަރިން އަންނަނީ ބަންޑުން ކުރަމުންނެވެ.
އެގޮތުން އިއްޔެވެސް މިދެމީހުން އެކުގައި ނަގާފައިވާ ފޮޓޯއެއް މިވަނީ ވައިރަލް ވެފައެވެ. ކެޓްރީނާ އާއި ވިކީ ސްވިމިންގ ޕޫލެއްގައި ނަގާފައިވާ މި ފޮޓޯގެ ކެޕްޝަންގައިވެސް ވަނީ ގިނަ ބަޔަކު އަޅައިގަނެފައެވެ.
ހުދު ކުލައިގެ ސުވިމްސޫޓެއްގައި ކެޓްރީނަ ހުރިއިރު ވިކީ ހުރީ ހުސްގަޔާއެވެ. ދެމީހުން ބައްދާލިގެން ތިބި ފޮޓޯ ވަނީ ކުޑަ އިރުކޮޅެއްގެ ތެރޭގައި ވައިރަލް ވެފައެވެ.
View this post on Instagram
ކެޓްރީނާ އާއި ވިކީ ކައިވެނި ކުރީ 9 ޑިސެމްބަރު 2021ގައި ބޮލީވުޑް ސްޓައިލަށް އާއިލާ އާއި ގާތް ރަހުމަތްތެރިންގެ ހާޒިރުގައެވެ.
މަސައްކަތުގެ ދާއިރާއަށް ބަލާއިރު ކެޓްރީނާ މިހާރު އަންނަނީ އެކްޓާ ވިޖޭ ސެތުޕަތީ އާއެކު "މޭރީ ކްރިސްމަސް"ގެ މަސައްކަތް ކުރަމުންނެވެ. އޭނާގެ ވަރަށް އުންމީދީ ފިލްމެއް ކަމުގައިވާ "ޓައިގާ3″ ވެސް ކުރިއަށް އެބައޮތެވެ. މިއީ ސަލްމާން ޚާނާއެކު ކެޓްރީނާ ފެނިގެން ދާނެ ފިލްމެކެވެ.
ވިކީ މިވަގުތު އަންނަނީ ފިލްމު "ގޯވިންދާ ނާމް މެރާ"ގެ މަސައްކަތް ކުރަމުންނެވެ. މި ފިލްމަށް ފަހު ދެން ވިކީ ފެނިގެން ދާނީ ސާރާ އަލީ ޚާނާއެކު ރޮމޭންޓިކް ފިލްމު "ޕައިޕްލައިން" އިންނެވެ. މިއީ ދެތަރިން އެކުގައި ފެނިގެން ދާނެ އަލަތު ފިލްމުވެސް މެއެވެ.
