ރައީސުލްޖުމްހުރިއްޔާ އިބްރާހިމް މުހައްމަދު ޞާލިހުގެ އުފަންރަށް، ޅ.ހިންނަވަރުން އެމްޑީޕީގެ ޗެއާޕާސަންގެ މަޤާމަށް ވާދަ ކުރައްވާ އިކޮނޮމިކް މިނިސްޓަރ ފައްޔާޟު އިސްމާއިލަށް ހޫނު މަރުހަބާއެއް ކިޔައިފިއެވެ.
ޗެއާޕާސަންގެ އިންތިޚާބުގައި ޅ.އަތޮޅުގެ ރަށްތަކަށް މިއަދު ކުރި ދަތުރުގައި މިއަދު ހަވީރު ފަޔާއާއި، ރޮޒޭނާގެ ޓީމުން ވަޑައިގަތީ ޅ.ހިންނަވަރަށެވެ. ހިންނަވަރުގެ ގިނަ އަދަދެއްގެ ބަޔަކު ވަނީ ފަޔާގެ ޓީމަށް މަރުހަބާ ކިޔުމަށް ބަނދަރު މައްޗަށް ނިކުމެފައެވެ.
ފަޔާގެ ޓީމުން ހިންނަވަރަށް ކުރި ދަތުރުގައި ރައީސް ޞާލިހުގެ ގެކޮޅަށްވެސް ވަނީ ޒިޔާރަތްކޮށްފައެވެ. ޅ.ހިންނަވަރު ނޫރާނީއާގެއަށް ދިއުމަށްފަހު އެގޭގެ ބޭރުގައި ގިނަ އަދަދެއްގެ ބަޔަކާއިއެކު ފަޔާގެ ޓީމުން ވަނީ ފޮޓޯއެއްވެސް ނަގާފައެވެ. ފަޔާގެ ޓީމަށް ހިންނަވަރުން ހޫނު މަރުހަބާއެއް ކިޔާފައިވާއިރު، އިންތިގެ ޓީމުން ހިންނަވަރަށް ކުރި ދަތުރުގައި މަޖިލިސް ނައިބް ރައީސް އީވާއާއި ހިންނަވަރުން ދިމާކުރި މައްސަލައެއްގައި، ރައީސް ނަޝީދުވެސް ވަނީ ހޫނު ރައްދެއް ދެއްވާފައެވެ.
ޅ . ހިންނަވަރު ، ރައީސް @ibusolih ގެ އުފަން ރަށުން @faya_i އަދި @Roxeyna އަށް ލޯތްބާ އިތުބާރާއެކު ހޫނު މަރުހަބާ އެއް ❤️????#MDPhingaalan pic.twitter.com/jEZ4qiz1zF
— Hussain Shafiu #MDPhingaalan (@charly_thuthu) May 4, 2022
އިވާއާއި ހިންނަވަރުން ދިމާކުރި މައްސަލާގައި ނަޝީދުގެ ސީދާ ބަހުގެ ހަމަލާ އަމާޒު ކުރީ ރައީސް ޞާލިހަށެވެ. ނަޝީދު ވިދާޅުވީ ރައީސް ޞާލިހު ގަލޮޅަށް ވަޑައިގެންނެވުމުން ދިމާކުރަން ޖެހިދާނެކަމަށެވެ.
އެމްޑީޕީގެ ޗެއާޕާސަން އިންތިޚާބުގެ ކެމްޕެއިންގެ ފޯރި ގަދަވެފައިވާއިރު، ވަޒީރުންގެ ތެރޭގައި ހިމެނޭ އެމްޑީޕީގެ ގިނަ ވަޒީރުންގެ ތާއީދު ފަޔާއަށް އޮތްކަން ދަނީ ހާމަ ކުރަމުންނެވެ. އެމްޑީޕީގެ ޗެއާޕާސަންގެ އިންތިޚާބު ބޭއްވުމަށް ހަމަޖެހިފައވަނީ މިމަހުގެ 14 ވަނަ ދުވަހުއެވެ.
