ފޯރިގަދަވެފައިވާ އެމްޑީޕީގެ ޗެއާޕާސަން ހޮވުމުގެ އިންތިހާބުގައި އިކޮނޮމިކް މިނިސްޓަރު ފައްޔާޒު އިސްމާއިލަށް ތާއިދު ކުރެއްވުމަށް އެޑިކޭޝަން މިނިސްޓަރު އައިޝަތު ނިންމަވައިފިއެވެ.
މިއީ ވަޒީރުންގެ މަޖިލީހުގައި ހިމެނޭ އެމްޑީޕީގެ ވަޒީރުންގެ ތެރެއިން ފަޔާއަށް މިއަދު ތާއީދު ކުރި ދެވަނަ ވަޒީރެވެ. މީގެ އިރުކޮޅެއް ކުރިން އެންވާރުމެންޓް މިނިސްޓަރ އައިޝަތު ޝައުނާވެސް ވަނީ ފަޔާއަށް ތާއީދުކޮށްފައެވެ. ވަޒީރުންގެ މަޖިލީހުގައި ހިމެނޭ އެމްޑީޕީގެ ގިނަ ވަޒީރުންގެ ތާއީދު އޮތީ ފަޔާއަށެވެ.
އައިޝަތު އަލީ ފަޔާއަށް ތާއީދުކޮށް، ވަނީ ފަޔާއާއިއެކު ނަގާފައިވާ ފޮޓޯއެއް ހިއްސާކޮށްފައެވެ. އަދި ކެނޑިޑޭޓް ނަންބަރު 2 ފަޔާއަށް ވޯޓު ދެއްވުމަށް ވަނީ އެދިފައެވެ.
#Faya4CP
✅️✌️ pic.twitter.com/RTIFB2M98O— Aishath Ali (@aisthly) May 4, 2022
މިއަދު ޝައުނާ ފަޔާއަށް ތާއީދުކުރަން ނިންމުން އެމްޑީޕީގެ ރައީސް ނަޝީދުވަނީ ހޫނު ރައްދެއް ޝައުނާއެއް ދެއްވާފައެވެ. ނަޝީދު ވިދާޅުވީ ނަޝީދު ވިދާޅުވީ ޝައުނާއަށް އޭނާގެ އަމިއްލަ ވަޒީފާގެ ހިމާޔަތުގައި އަމިއްލަ މަސްލަހަތު އިސްކުރި ކަމުގައި ވީނަމަވެސް އެމްޑީޕީއަށް ރަނގަޅުގޮތް އެގޭނީ އެމްޑީޕީ މެމްބަރުންނަށް ކަމަށެވެ.
ޗެއާޕާސަންގެ ގޮނޑިއަށް ފައްޔާޒާއެކު ވާދަކުރައްވާ އިމްތިޔާޒު ފަހުމީ, "ތިލަފަތުގެ ރަމްޒު"ގެ ޝިއާރުގެ ދަށުން ކުރައްވާ ކެމްޕެއިންގައި އެންމެ ބޮޑަށް ވަކާލާތު ކުރައްވަނީ އެމްޑީޕީގެ އަސާސްތައް އަލުން ނެގެހެއްޓުމެވެ. އޭނާ ޕްރޮމޯޓް ކުރަނީ ނަޒާހަތްތެރިކަމެވެ. މި ދެ ޝިއާރުގެ ދަށުން ކުރިއަށްދާ ފޯރިގަދަ ކެމްޕެއިންތަކާއެކު, އެމްޑީޕީ ވަނީ ދެ ފަޅިއަށް ބެހިފައެވެ.
ސަރުކާރުގެ ގިނަ މިނިސްޓަރުންގެ ތާއިދު އޮތީ ފައްޔާޒަށެވެ. އެގޮތުން, އެމްޑީޕީގެ ރައީސް މުހައްމަދު ނަޝީދުގެ ބޮޑުބޭބެ, ހެލްތު މިނިސްޓަރު އަހުމަދު ނަސީމް ވެސް ވަނީ ފައްޔާޒަށް ތާއިދު ކުރައްވާކަން އިއުލާން ކުރައްވާފައެވެ. ފިނޭންސް މިނިސްޓަރު އިބްރާހިމް އަމީރު, ފައްޔާޒުގެ ކެމްޕެއިންގައި އިސްކޮށް އުޅުއްވައެވެ. މީގެ އިތުރުން ސަރުކާރު ކުންފުނިތަކާއި، ބޯޑުތަކުގައި ތިއްބެވި އެމްޑީޕީގެ އިސްބޭފުޅުންވެސް ދަނީ ފަޔާގެ ކެމްޕެއިންގައި ބައިވެރިވަމުންނެވެ.
