އެމްޑީޕީގެ ޗެއާޕާސަން އިންތިޚާބުގައި އަންނަ ކެންޑިޑޭޓަކު "ސާފުތާހިރު" ވާންޖެހޭ ކަމަށާއި، މިކަމުގައި ރައީސް ޞާލިހާއި، އެމަނިކުފާނުގެ ވިސްނުން ސާފުކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމްޑީޕީގެ ޗެއާޕަސަންގެ މާގަމަށް އެއްކޮޅުން ކުރިމަތި ލައްވައިގެން ހުންނެވީ އިކޮނޮމިކް މިނިސްޓަރު ފައްޔާޒް އިސްމާއިލް އެވެ. އޭނާއާ ދެކޮޅަށް ވާދަކުރައްވަނީ ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީއެވެ. އެމްޑީޕީގެ ރައީސް ނަޝީދުގެ ތާއީދު އިންތިއަށް އޮތް އިތުރު ފައްޔާޒުގެ ފަހަތުގައި ހުންނެވީ ޕާޓީގެ އެންމެ އިސް ލީޑަރު އަދި ރައީސް އިބްރާހިމް މުހައްމަދު ސޯލިހުއެވެ.
އިންޑިއާގެ ދޫރުދަރުޝަން ޗެނަލަށް ދެއްވި އިންޓަވިއު އެއްގައި ރައީސް ނަޝީދު ވިދާޅުވީ އެމަނިކުފާނާއި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ވެސް ވަކި ބޭފުޅަކަށް ތާއިދުުކުރައްވާކަން ހާމަކޮށްފައި ނުވާނެ ކަމަށާއި ނަމަވެސް ދެބޭފުޅުންގެ ވެސް ވިސްނުމާ ތާއިދު ހުރި ގޮތް ވަރަށް ސާފް ކަމަށެވެ.
އެމްޑީޕީގެ އިންތިހާބުގެ ފޯރިގަދަކަން ފާހަގަކުރައްވާ ނަޝީދު ވިދާޅުވީ ރާއްޖޭގެ ހުރިހާ ކަންކޮޅުތަކަކުން ވެސް މިހާރު ފެންނަނީ ރީނދޫ ކުލަ އަދި އެމްޑީޕީގެ ދިދަ ކަމަށެވެ. އަދި ދެކެނޑިޑޭޓުން ވާދަވެރިކަމަށް ފާހަގަކުރައްވަމުން ރައީސް ނަޝީދު ވިދާޅުވީ، "ހަގީގީ ކުލައަކީ ރީނދޫ ކުލަ" ކަމަށެވެ.
އަޅުގަނޑު ގަބޫލުކުރަނީ ތެދުވެރި، އަދި ސާފުތާހިރު ކެންޑިޑޭޓަކު ވަރަށް ވެސް މުހިންމު ކަމަށް.
– އިންތިއަށް ތާއީދުކުރައްވާ ސަބަބު ނުސީދާކޮށް ނަޝީދު ވިދާޅުވިއެވެ.
އަދި ޗެއާޕާސަންގެ މަގާމު ރައްޔިތުންގެ މަޖިލީހުގެ މެމްބަރަކަށް މާ ފުރިހަމައަށް އަދާކުރެއްވޭނެ ކަމަށް ގަބޫލުކުރައްވާ ކަމުގައި އެމަނިކުފާނު ވިދާޅުވިއެވެ. 2023ގައި ރިޔާސީ އިންތިހާބެއް ބާއްވާނަމަ، އެމްޑީޕީގެ ފަރާތުން ވާދަކުރާ ކެންޑިޑޭޓް ކަނޑައެޅުމަށްޓަކައި، ޕާޓީގެ ނިންމުމަށް އިހުތިރާމް ކުރައްވާނެ ކަމަށް ނަޝީދު ވިދާޅުވި.
One Response
ހިޔަޅުވިސްނުން