މިސަރުކާރުން އުފެއްދި ރިޔާސީ ކޮމިޝަން، އެސެޓް ރިކަވަރީ ކޮމިޝަނުން އެމްއެމްޕީއާރުސީގެ ކޮރަޕްޝަނާ ގުޅޭ ރިޕޯޓް އެބައޮތްކަމަށާއި، އެރިޕޯޓުގައިވެސް އަދި އެހެން ކޮރަޕްޝަންގެ ރިޕޯޓެއްގައިވެސް އެމްޑީޕީގެ ޗެއާޕާސަންގެ މަޤާމަށް ވާދަކުރައްވާ އިކޮނޮމިކް މިނިސްޓަރ ފައްޔާޟު އިސްމާއިލްގެ ނަމެއް ނެތްކަމަށް ރައްޔިތުންގެ މަޖިލީހުގެ ހަނިމާދޫ ދާއިރާގެ މެމްބަރު ޢަބްދުލްޣަފޫރު މޫސާ ވިދާޅުވެއްޖެއެވެ.
ޢަފޫރު މިހެން ވިދާޅުވީ އެމްއެމްޕީއާރުސީގެ ކޮރަޕްޝަނާ ގުޅޭ ރިޕޯޓް އެމަނިކުފާނުގެ އަތްޕުޅުގައި އެބައޮތްކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެ އޭގައި ފަޔާގެ ނަން އޮތްކަމަށް ދޭހަވާ ގޮތަކަށް ދެއްކެވި ވާހަތަކާއި ގުޅިގެންނެވެ.
މިވާހަކަތާއި ގުޅިގެން ޣަފޫރު ވިދާޅުވީ ވާދަވެރި ފަރާތްތަކުންނާއި، އަދި އެހެން ބޭފުޅުންވެސް ވިދާޅުވާފަހަ ޑޮކިއުމަންޓްރަކާއި ރިޕޯޓްތައް އެބޭފުޅުންގެ އަތްޕުޅުގައިވެސް އެބަހުރިކަމަށެވެ. އެއިންއެއްވެސް ރިޕޯޓެއްގައިވެސް ފަޔާގެ ނަމެއް ނެތްކަމަށެވެ. މިއަދު ފަޔާއަށް ކެމްޕެއިން ކުރަމުންތީ ފާޑުކިޔާ މީހުން ފާޑުކިޔަނީ އެހން މަޤުސަދެއްގައި ކަމަށާއި، ފަޔާ އިންތިޚާބު ކުރަން ނިކުމެތިބީ ލައްކަ ކަންކަން އެގޭތީކަމަށް ޣަފޫރު ވިދާޅުވިއެވެ.
އެބޭފުޅުންނަށް ނުފެންނަ ކިތަންމެ ޑޮކިއުމަންޓެއް، ކިތަންމެ މައުލޫމާތެއް އެހުރިހާއެއްޗެއް އެބަހުއްޓޭ އަޅުގަނޑުގެ އަތުގައި. އެހެންވީމާ އަޅުގަނޑުމެން އެކަންކަން ފޮރުވާފަކާއެއްނޫން ނިކުމެ މިއުޅެނީކީ، އަޅުގަނޑުމެންނަކަށް ނެތޭ ފެންނާކަށް. ހަމަ ފަޔާގެ އެއްވެސް ކަމެއް އަޅުގަނޑުމެންނަށް މިހާތަނަށް ފެންނަން ނެތުނީމާ އަޅުގަނޑުމެން މިބުނަނީ ފަޔާގެ ކޮރަޕްޝަން ކޭސްއެއް ނެތޭ ފެންނަން.
– ޣަފޫރު ވިދާޅުވިއެވެ.
ޣަފޫރު ވިދާޅުވީ ރައީސް ނަޝީދު ވިދާޅުވާ އެމްއެމްޕީއާރުސީ ލިސްޓާއި، ރިޕޯޓު އެބޭފުޅުންގެ އަތްޕުޅުގައިވެސް އެބައޮތްކަމަށެވެ. އެލިސްޓުގައި ފަޔާގެ ނަމެއް ނެތްކަމަށެވެ.
އަޅުގަނޑުމެން އަތުގައި އެބަހުރި މާލިއްޔަތު ކޮމެޓީގެ ހުރިހާ ޑޮކިއުމަންޓެއް. އަދި ނުވިތާކަށް 241 ކޮމެޓީގެ ހުރިހާ ލިޔެކިޔުންތަކެއްވެސް އެބަހުރި، އަޅުގަނޑުމެން އަތުގައި އެބަހުއްޓޭ އެމްއެމްޕީއާރުސީ ތިލިސްޓުގައި ހިމެނޭ ބޭފުޅުންނަކާއި، މިހުރިހާ އެއްޗަކާއި، މިހުރިހާ ޑޮކިއުމަންޓްތަކެއް އެއިއްޗިއްސަކު ނެތޭ ފަޔާގެ ނަމެއް. އެހެންވީމާ ކޮރަޕްޝަނޭ ކިޔައިގެން ދެން ކޮން ވާހަކައެއް.
– ޣަފޫރު ވިދާޅުވިއެވެ.
Faiyaz ragalhu vaane konme sarukaarehge Bro bai kulhe dheyn.eirun MP thanves adhi kunfuni thakuge verin ves thibeynee hevi.Dhevan Adheeb pic.twitter.com/0WD2ar3zaA
— maskurolhi (@maskurolhi2) April 29, 2022
އެމްއެމްޕީއާރުސީ މައްސަލާގައި ރައީސް ނަޝީދު ވަނީ މީގެ ކުރިންވެސް އެކި ގޮތްގޮތަށް ވާހަކަ ދައްކަވާފައެވެ. 2021 ވަނަ އަހަރު މަޖިލީހަށް ހުށަހެޅުނު އެމްއެމްޕީއާރުސީގެ މައްސަލައެއްގައި ވާހަކަ ދައްކަވަމުން ރައީސް ނަޝީދު ވިދާޅުވެފައިވަނީ އެމްއެމްޕީއާރުސީގެ ޚިޔާނާތުގެ މައްސަލަ ކޮމިޓީއަށް ފޮނުވައިގެން މާ އެދެވޭ ނަތީޖާއެއް ފެނިފައިނުވާކަމަށެވެ. އެހެންކަމުން އެ މައްސަލަ އިތުރަށް ތަހުގީގްކުރުމަށް ޕްރޮސެކިއުޓަރ ޖެނެރަލްގެ އޮފީހަށާއި އެންޓި ކޮރަޕްޝަން ކޮމިޝަނަށާއި، އެސެޓް ރިކަވަރީ ކޮމިޝަނަށާއި އަދި ފުލުހުންނަށް އިއްޔެ ފޮނުވާފައިވާކަމަށެވެ.
މަޖިލީހުގެ ރައީސް ވިދާޅުވީ، މި މައްސަލަ ބެލުމަށް މަޖިލީހުން ކުރެވެން ހުރި ހުރިހާ ކަމެއް ކުރައްވާނެކަމަށެވެ. އެގޮތުން މެންބަރަކަށް ވިޔަސް، ވަޒީރަކަށް ވިޔަސް، އެމައްސަލަ ބަލާނެކަމަށްވެސް މަޖިލީހުގެ ރައީސް ވިދާޅުވިއެވެ. މަޖިލީހުގެ ރައީސް ވިދާޅުވީ، މަޖިލީހުގެ މެންބަރުން ބޭނުންފުޅުވާނަ ދުނިޔޭގެ ފޮރެންސިކް މާހިރުން މެދުވެރިކޮށް 70 މިލިއަން ޑޮލަރު ހޯދައި ރާއްޖޭގެ ޚަޒާނާއަށް ގެނެވޭނެ ގޮތް އެބައޮތްކަމަށެވެ. މެންބަރުން ބޭނުންފުޅުވާނަމަ އެކަން ކުރައްވަން ތައްޔާރަށް ހުންނެވި ކަމަށްވެސް ރައީސް ނަޝީދު ވިދާޅުވިއެވެ.
ނަމަވެސް މިއަދާއި ހަމައަށްވެސް ނަޝީދު މި މެސެޖުތަކެއްވެސް އަދި ރިޕޯޓުވެސް ހާމަ ކުރައްވާފައިނުވެއެވެ.
