ވަނީ މާތް ރަސްކަލާންގެ ރުހިވޮޑިގަތުން ބޭނުންވާ މީހަކުނަމަ ކީރިތި ރަސޫލާގެ ހަޔާތްފުޅުން ނަމޫނާ ލިބިގަތުމަށް އަންގަވާފައިވާކަމަށް މިނިސްޓަރ އޮފް ސްޓޭޓް ފޮރ އިސްލާމިކް އެފެއާޒް އަލްއުސްތާޛް މުޙައްމަދު އަނީލް ވިދާޅުވެއްޖެއެވެ.
ރޭ ފުވައްމުލަކުގައި ބޭއްވި އިޚުޔާ ފޯރަމްގައި ވާހަކަ ދައްކަވަމުން ޝައިޚު އަނީލް ވަނީ އެކަލޭގެފާނުގެ ޙަޔާތްޕުޅުގެ ކޮންމެ ޙާދިސާއެއް ކިޔަންވާނީ، ބަލަންވާނީ އެއިން އިބްރަތް ލިބިގަނެ އެއިން ނަމޫނާ ލިބިގަތުމަށްކަމަށްވެސް ވިދާޅުވިއެވެ.
އަޑުއެހުމުގެ ހުނަރަކީ މިހާރު އަޅުގަނޑުމެންގެ މުޖުތަމަޢުގައި ވަރަށް މުހިންމުކަމެއްކަމަށާއި ރަސޫލާގެ ހަޔާތްޕުޅުން އެއީވެސް ދަސްކުރަންޖެހޭ ނަމޫނާއެއްކަމަށްވެސް ވިދާޅުވިއެވެ. ކީރިތި ރަސޫލާ ކުޑަކުދިންނާއި މުސްކުޅި މީހުންނާމެދު ޢަމަލުކުރެއްވި އޯގާތެރި ގޮތްތަކަށްވެސް ސްޓޭޓް މިނިސްޓަރ ވަނީ ބައްލަވާލައްވާފައެވެ.
ބޮޑެތި މީހުންނަށް އޚްތިރާމްކުރުމަށް ރަސޫލާ އިރުޝާދުދެއްވާފައިވާކަމަށް ވިދާޅުވެ ރަސޫލާގެ ޙަޔާތްޕުޅުގެ ތަފާތު ހާދިސާތަކަށް ވަނީ ބައްލަވާލައްވާފައެވެ.
ސްޓޭޓް މިނިސްޓަރ ވާހަކަފުޅުވެސް ނިންމަވާލައްވާފައިވަނީ އިސްލާމްދީނުގައި އަންގަވާފައިވާ ކަންތައްތަކަށް ޢަމަލުކޮށް، ރަސޫލާގެ ސީރަތު އިތުރަށް ބަލައި ދިރާސާކޮށް އޭގައިވާ ގޮތަށް އުޅުން ބަދަލުކޮށް އެކަލޭގެފާނު ނަމޫނާއަކަށް ބަލައިގެން ދިރިއުޅުންކުރިއަށްގެންދިޔުމަށް އެދިވަޑައިގެން ނަސޭހަތްތެރިވެވަޑައިގަންނަވަމުންނެވެ.
