އަލްމަރްޙޫމާ ނޫރައްނަހާރު ޒަކައިއްޔާގެ ހަނދާނުގައި ބޭއްވި ޔޫ.އެސް.ސީ 22 ވަނަ ޤުރުއާން މުބާރާތުގެ ފަހުރުވެރި އެއްވަނަ އާއިޝަތު ފައިޙާ މޫސާ ހޯދައިފިއެވެ.
މިބުމާރާތާކަކީ އއ.އަތޮޅަށް ހުޅުވައިލައިގެން ބޭއްވުނު މުބާރާތެކެވެ. މިމުބާރާތް ކުރިއަށްގެންގޮސްފައިވަނީ ޔުނިއަން ސްޕޯރޓްސް ކުލަބްގެ އިދާރާ އަރާއިރު، އއ.މަތިވެރީގައއެވެ. މުބާރާތް ބޭއްވިފައިވަނީ މި ރަމަޟާން މަހުގެ ފުރަތަމަ ދިހައިގެ ތެރޭގައެވެ.
މިމުބާރާތުގައި ޖުމްލަ 174 ބައިވެރިވެފައިވެއެވެ. މުބާރާތް ކުރިއަށް ގެންދެވުނީ ބަލައިގެންނާއި އަދި ނުބަލައި ކިޔެވުމުގެ ގޮފިންނެވެ. މިމުބާރާތުގެ ފަހުރުވެރި އެއްވަނަ ހޯދާފައިވަނީ އާއިޝަތު ފައިޙާ މޫސާ އާޒާދުގެ އއ.މަތިވެރި އެވެ. މިމުބާރާތުން ދެވަނަ ލިބުނީ ފާތިމަތު ޝައިހާ ފަހްމީ، ފައިންބީޗް، އއ.މަތިވެރި އަށެވެ. މުބާރާތުގެ ތިންވަނަ ލިބިފައިވަނީ މަރްޔަމް ނާޢިޝާ މަންޞޫރަށެވެ.
މިއީ މަތިވެރީގައި ބާއްވާ އެންމެ ގިނަ ދުވަސްވީ ޤުރުއާން މުބާރާތެވެ. މުބާރާތް ކުރިއަށް ގެންގޮސްފައިވަނީ ވަރަށް ގިނަ ބައެއްގެ އެހީތެރިކަމާއިވެސް އެކުގައިކަމަަށް މުބާރާތް އިންތިޒާމު ކުރި ޖަމްއިއްޔާއިން ވަނީ ބުނެފައެވެ.
