ދުނިޔޭގެ ފެންވަރުގައި ހޮވާލެވޭ ޗައިލްޑް ޕްރޮޑިޖީ އެވޯޑް ރާއްޖޭގެ އެންމެ 4 އަހަރުގެ މަކީންއަށް ނައުޝީން އަލީ އަށް ލިބިއްޖެއެވެ.
މަކީންގެ މަންމަ ބުނެފައިވަނީ ދުނިޔޭގެ ފެންވަރުގައި ހޮވާލެވޭ 100 ކުދިންނަށް ދެވޭ އެވޯޑެއް ރާއްޖެއިން 4 އަހަރުގެ މަކީނާ ނައުޝީން އަލީ އަށް ދަ ޗައިލްޑް ޕްރޮޑިޖީ އިން 9އެޕްރީލް22 ދުވަހު މެންދުރުފަހު އިންޑިއާގެ ޗަންދީގަރުގައި ބޭއްވި ހަފްލާއެއްގައި ދީފިއިވާކަމަށެވެ. މިހަފްލާގައި ނައުޝީން ބައިވެރިވެފައިވަނީ އޮންލައިންކޮށް ކަމަށެވެ.
މިހަފްލާގައި ދިވެރިރާއްޖޭގެ ޤައުމީސަލާމް އަދި އިންޑިޔާގެ ޤައުމީސަލާމް ކިޔަން ނައުޝީން އަށްފުރުސަތު ލިބުމުން ނައުޝީން ވަނީ އެކަން ފުރިހަމަކޮށްފައިކަމަށް އޭނާގެ މަންމަ ބުނެފައިވެއެވެ.
5 ކުއްޖަކަށް ދަ ޗައިލްޑް ޕްރޮޑިޖީ އިން ނޮމިނޭޓްކޮށް މިއެވޯޑު ދީފައިވާ އިރު މިފަސްކުދިންގެ ތެރޭގައި ނައުޝީން ހިމެނެއެވެ. މި 5 ކުދިން ހިމެނޭ ޤައުމުތަކަކީ ދުބާއީ، މެލޭޝިޔާ ދިވެހިރާއްޖެއާއި އަދި އިންޑިޔާއެވެ.
މި އިވެންޓްގައި މެގަޒިނެއްވެސް ވަނީ ލޯންޗް ކޮށްފައެވެ. މި މެގަޒިންގައި މިފަހަރު ޗައިލްޑް ޕްރޮޑިޖީ ލިބުނު 100 ކުދިންގެ ޕްރޮފައިލްވަނީ ހިމަނާފައެވެ. މި މެގަޒިންގެ ކަވަރޕޭޖަށް އިންޑިއާގެ މަޝްހޫރުގޫގުލް ބޯއީ އާއިއެކު ދިވެހިރާއްޖޭގެ ނައުޝީންގެ ފޮޓޯވެސް ހިމެނެއެވެ.
ނައުޝީން އަށް މިއެވޯޑު ދީފައިވަނީ އާދަޔާޚިލާފަށް ހުނަރުވެރި ފޮތްކިޔުންތެރިއަކަށް ވުމުންނެވެ. އުމުރުން 15 މަހުގައި ގިނަ ޢަދަދެއްގެ ބަސްތައް އަދި އަކުރިތަށް ފޯނިކްސް މެތަޑަށް ނުވަތަ އަކުރުތަކުގެ އަޑުބޭނުންކޮށްގެން ކިޔަންދަސްވެ މިއުމުރުގައި އަަދަޔާ ޚިލާފަށް ގިނަ ފޮތް ކިޔުމިގެ ކުޅަދާނަކަން ލިބިފައިވާކަން ފާހަގަކޮށްފައިވެއެވެ. ޤުރުއާންގެ ގިނަ ސޫރަތްތައް ވަރަށް ކުޑައިރު ދަސްކޮށް އިގިރޭސިބަހެއް ބުނުމުން އެބަހުގެ ސްޕެލިންގް ބުނުމުގެ ކުޅަދާނަކަންވެސް ފާހަގަކޮށްފައިވެއެވެ. އަދި ދިވެހި އިނގިރޭސިބަހުން ފޮތްކިޔަން ފަރިތަ ނައުޝީންގެ އެހުނަރުތަށް ފާހަގަކޮށް ދަ ޗައިލްޑް ޕްރޮޑިޖީެިން މިއެވޯޑު ދޭން ނިންމީއެވެ.
