އައްޑޫ ސިޓީގައި ކުޑަކުއްޖަކަށް ޖިންސީ ގޯނާކުރި މައްސަލައިގައި ރައްޔިތުންގެ ތުހުމަތުތައް ބަލާލުން ރަނގަޅުކަމަށް އައްޑޫ ސިޓީގެ މޭޔަރު ޢަލީ ނިޒާރު ވިދާޅުވެއްޖެއެވެ.
ޢަލީ ނިޒާރު މިހެން ވިދާޅުވީ އައްޑޫ ސިޓީގައި 6 އަހަރުގެ ކުއްޖަކަށް ޖިންސީ ގޯނާ ކުރި ކަމަށް ތުހުމަތުކުރެވޭ މައްސަލައެއްގައި 59 އަހަރުގެ އަންހެނަކު ހައްޔަރުކުރިނަމަވެސް އެ ކުއްޖާއަށް ޖިންސީ ގޯނާކުރީ އެކުއްޖާގެ ކާފަކަމަށް ރަށުގެ ގިނަ ޢަދަދެއްގެ ރައްޔިތުން ތުހުމަތުކުރާތީއެވެ.
މިކަމާއި ގުޅިގެން އައްޑޫގެ މޭޔަރު ޢަލީ ނިޒާރު ވިދާޅުވީ ރައްޔިތުންގެ ކަންބޮޑުވުން އޮތް މިފަދަ މައްސަލައެއްގައި ފުލުހުން، ރައްޔިތުންނަށް ދެވެންއޮތް މިންވަރަކުން މަޢުލޫމާތު ދޭންޖެހޭކަމަށެވެ. އަދި ޖެންޑަރ މިނިސްޓްރީންވެސް މިކަމުގައި އެއްބާރުލުން ދެންޖެހޭކަމަށް މޭޔަރު ވިދާޅުވިއެވެ.
މި މައްސަލާގައި ރައްޔިތުންގެ ތުހުމަތުތަކަށްވެސް ބަލާލުން ރަނގަޅު.
– ހޯމް މިނިސްޓަރ ޢިމްރާން ޢަބްދުﷲ އާއި ޖެންޑަރ މިނިސްޓަރ އާއިޝަތު މުޙައްމަދު ދީދީ ތެގްކުރައްވާ ޢަލީ ނިޒާރު ކުރެއްވި ޓްވީޓްގައި ވިދާޅުވިއެވެ.
Rayyithun ge kan bodu vun oi mifadha massala eh gai Fuluhun, Rayyithun nah dheven oi minvara kun mauloomaath dheyn jehey. Adhi Gender ministry in ves mikamugai ebbaaru lun dheyn jehey. Mi massalaai gai Rayyithun ge thuhumath thakah ves balaalun rangalhu. @ShimranAb @aishamdidi
— Ali Nizar (@DhekunuNizar) March 29, 2022
ފުލުހުން ހައްޔަރުކޮށްފައިވާ 59 އަހަރުގެ އަންހެނަކީ އެކުއްޖާ ތަޢުލީމް ހާސިލްކުރާ ސްކޫލްގައި 30 އަހަރަށްވުރެ ގިނަ ދުވަހު މަސައްކަތު މީހެއްގެ ވަޒީފާ އަދާކުރަމުން އަންނަ މީހެކެވެ. ނަމަވެސް ހަ އަހަރުގެ ކުޑަކުއްޖާއަށް ޖިންސީ ގޯނާކުރީ ކާފަ ކަމަށް އެ ކުއްޖާ ތަހުގީގަށް ކިޔައިދީފައިވާކަމަށް އެ މައްސަލައާ ގުޅިގެން ހައްޔަރުކޮށްފައިހުރި އަންހެންމީހާގެ އާއިލާއިން ތުހުމަތުކުރެއެވެ.\
މި މައްސަލއާއި ގުޅިގެން އައްޑޫ ސިޓީ ކައުންސިލުން ނެރުނު ބަޔާނެއްގައި ކުޑަކުދިންނަށް ކުރާ ޖިންސީ ގޯނާގެ ކުށްތަކަކީ ކައުންސިލާއި މުޅި މުޖްތަމައުގެ ކަންބޮޑުވުން އިންތިހާއަށް އޮތް މައްސަލައެއްކަމަށެވެ. އަދި މިފަދަ ކުށްތަކަށް އަރައިގަންނަ މީހުންނާއި އެކަމުގައި އެކިގޮތްގޮތުން ބައިވެރިވާ މީހުން ހިންގާ ކަންކަމަކީ ކައުންސިލުން އެއްގޮތަކަށް ވެސް ބަލައިގަންނާނެ އަދި އެކަމަށް ތާއީދުކުރާނެ ކަންކަމެއްވެސް ނޫންކަމަށް ބަޔާނުގައިވެއެވެ.
އެހެންކަމުން މި މައްސަލަ ސީރިއަސް މައްސަލައެއްގެ ގޮތުގައި ބަލައި އެކަމުގައި ޝާމިލުވާ އެންމެންގެ މައްސަލަތައް ވަކިވަކިން ތަހުގީގުކޮށް ދިނުމަށް ކައުންސިލުން ވަނީ ކަމާބެހޭ ފަރާތްތަކަށް ގޮވާލާފައެވެ.
