މިއަހަރު ރެހެންދި އެވޯޑް ހާސިލްކޮށްފައިވާ 9 ފަރާތަކަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ރެހެންދި އެވޯޑް ހަވާލުކޮށްދެއްވައިފިއެވެ.
އެވޯޑްތައް ހަވާލުކޮށްދެއްވާފައިވަނީ ބައިނަލްއަގްވާމީ އަންހެނުންގެ ދުވަސް ފާހަގަކުރުމަށް އަންގާރަ ދުވަހުގެ ރޭ ބޭއްވި ރަސްމިއްޔާތުގައެވެ. މިއަހަރު ރެހެންދި
އެވޯޑް ހާސިލްކުރެއްވި ފަރާތްތަކަކީ:
ވަކިވަކި ފަރުދުންގެ ތެރެއިން އަންހެނުންގެ ތަރައްގީއަށް މަސައްކަތްކުރާ ފިރިހެނުންނާއި އަންހެނުންގެ ދައުރު: ނަފީސާ އަލީ / މުނިޔާގެ/ ތ.ވިލުފުށި
ސިއްހީ ދާއިރާ: ޑރ. ފާތިމަތު މުފްލިހާ / ހ.ކަނޑިގެ 2/ ކ.މާލެ
ސިއްހީ ދާއިރާ: ލެފްޓިނެންޓް ފިރުޝާން ތައުފީގު / މާތޮޑާއަވަށް، ސަންރައިޒް/ ގދ.ފަރެސްމާތޮޑާ
ފަންނުވެރިކަމާއި ޘަގާފަތާއި ތަރިކައިގެ ދާއިރާ: ޢިއްޒަތު އަހުމަދު ނިޒާރު /ސެލްވިން/ ހދ.މަކުނުދޫ
ކުދި އަދި މެދުފަންތީގެ ވިޔަފާރީގެ ދާއިރާ: އާއިޝަތު އިބްރާހީމް / ހ.ކުއްޅަވަށްގަސްދޮށުގެއާގެ /ކ.މާލެ
އިޖުތިމާއީ ދާއިރާ: ދިމްނާ ފާކިރު / ގުލްދަސްތާގެ/ ސި.ފޭދޫ
ޚަބަރާއި މައުލޫމާތު ފެތުރުމުގެ ދާއިރާ: ޝިމްލާ އަހުމަދު / އާސްޓްރަލްގެ / ސ.ހިތަދޫ
އަދާކުރާ ވަޒީފާގެ ގޮތުން އޮފީހަށް ނުވަތަ ދާއިރާއަށް ކޮށްދީފައިވާ ޚިދުމަތުގެ ދާއިރާ: ފާތުމަތު ޖަބީން / މ.ނިވްހިލްމަން / ކ.މާލެ
މުއައްސަސާތަކުގެ ދާއިރާ: – މޯލްޑިވްސް ޕޯޓްސް ލިމިޓެޑް / ވަޒީފާ ދޭ ފަރާތްތައް
ބައިނަލްއަގްވާމީ އަންހެނުންގެ ދުވަހާ ގުޅުވައިގެން ރެހެންދި އެވޯޑް ދޭން ފަށާފައި ވަނީ 2014 ވަނަ އަހަރުން ފެށިގެންނެވެ.
ރެހެންދި އެވޯޑު ދެނީ އަންހެނުން ކުރާ މަސައްކަތްތަކާއި އަންހެނުންގެ ހައްގުތައް ރައްކާތެރިކުރުމަށް ކުރާ މަސައްކަތާއި އަންހެނުންގެ ކުރިއެރުމަށް މަސައްކަތްކުރާ ފަރާތްތަކުގެ އަގު ވަޒަން ކުރުމުގެ ގޮތުންނެވެ.
ކޮމެންޓު ފޮނުވާ