ސަރުކާރު ހިންގާ ކޯލިޝަންގައި ހިމެނޭ އެމްޑީޕީގެ ރައީސް މުހައްމަދު ނަޝީދަކީ އިދިކޮޅު ޕީޕީއެމްގެ މެމްބަރުންނަށް ބަސްކިޔޭ ވަރުގެ މީހެއްގެ ނޫންކަމަށް ޕީޕީއެމްގެ ރައީސް ޔާމީން ވިދާޅުވެއްޖެއެެވެ.
ރައީސް ޔާމީން އިސްވެ ހިންގަވާ އިންޑިއާ އައުޓް ހަރަކާތަކީ ރައްޔިތުންގެ ތާއީދު ނެތް ހަރަކާތެއްކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވަނީ ވިދާޅުވެފައެވެ. ނަޝީދު ވިދާޅުވީ، ރައީސް ޔާމީން އިންޑިއާއި އިދކޮޅަށް ހިންގަވާ ހަރަކާތްތަތަކަކީ ރައްޔިތުންގެ ތާޢީދު ނެތް، ދިވެހިންނަށް އޭގެ ގެއްލުން ދޭނެކަމެއްކަމަށެވެ. ޤައުމުތަކާއި އިދިކޮޅު ހަރަކާތްތަކުގައި ބައިވެރި ނުވުމަށް ޕީޕީއެމްގެ މެންބަރުންގެ ކިބައިން ވަރަށް އިޚްލާސްތެރިކަމާއެކު އެދިވަޑައިގަންނަވާކަމަށްވެސް ރައީސް ނަޝީދު ވިދާޅުވެފައިވެއެވެ.
ނަޝީދުގ ވާހަތަކަށް ރައްދު ދެއްވަމުން ޔައީސް ޔާމީން ވިދާޅުވީ، އިންޑިއާ ނަޝީދަކީ ޕީޕީއެމް މެމްބަރުންނަށް ގޮތް ކިޔޭނެ މީހެއް ނޫންކަމަށެވެ. ނަޝީދަކީ ވެރިކަން ކޮށްފައިވާ މީހަކަށްވާއިރު، ޤައުމަށް އެއްވެސް އިޚުލާސްތެރިކަމެއް ނެތް މީހަކު ޤައުމަށް އެންމެ ވަފާތެރި މެމްބަރުންނަށް ވަކި ގޮތަކަށް ކަންކަން ކުރުމަށް ގޮވާލުމަކީ ވަރަށް ހަމަ ނުޖެހޭކަމެއްކަމަށެވެ. އަދި މިއީ ރައީސް ނަޝީދު ފަދަ ބޭފުޅެއްގެ ހަމަނުޖެހޭކަން ހާމަވާ ކަމެއްކަމަށެވެ.
ރައީސްކަން ކޮށްފައިވާ މީހަކު މިބުނަނީ އަޅުގަނޑުމެން މެމްބަރުން ކައިރީ މިހަރަކާތުގައި ބައިވެރިނުވާން. މީނަ ދައްކާ ވާހަކަ ގަބޫލު ކުރާނީ ކާކުތޯ. ޕީޕީއެމް މެމްބަރުން ކައިރީގައި އޭނާ މިބުނަނީ މިހަރަކާތުގައި ބައިވެރިނުވާން. ކިހިނެތް މިކަންވާނީ.
– ޔާމީން ވިދާޅުވިއެވެ.
ރައީސް ޔާމީން ވިދާޅުވީ ސިޔާސީ ލީޑަރުންގެ ގޮތުގައި ތިއްބެވި އެންމެންވެސް މިއަދު ޤައުމަށް ވަރަށް ބޮޑަށް ޚިޔާނާތްތެރި ވެފައިވާކަމަށެވެ. މިއަދު ވެރިކަމުގެ ކޯލިޝަންގައި ތިބި އެންމެވެސް ތިބީ ޤައުމަށް ވަރަށް ބޮޑަށް ޚިޔާނާތް ވެފައިވާކަމަށެވެ.
ރައީސް ޔާމީން ވަނީ ރާއްޖޭގެ މިނިވަންކަމަށް މިއަދު އޮން ނުރައްކަލާއި، ރައްޔިތުންނަށް އޮތް ބިރުވެރިކަމާއި ގުޅޭގޮތުން ތަފްސީލީ ގޮތެއްގައި ވާހަކަ ދައްކަވާފައެވެ.
