އެމްޑީޕީ ޤައުމީ މަޖިލިސްގައި ހޫނު ޒުވާބަކަށްގޮސް، ބަހުގެ ހަމަލާތައް ފުލުފުލުން ބަދަލުކޮށް، އަރައިރުން ވެއްޖެއެވެ.
ބައްދަލުވުން ހޫނުވީ އެމްޑީޕީގެ ކުރީގެ ޕީޖީ ލީޑަރު އަލީ އާޒިމް ފައްޔާޟަށާއި، އޭނާއަށް ތާއީދުކުރާ މެމްބަރުންނަށް ހޫނު ހަމަލާތަކެއް ދީފައެވެ. އަދި އިންތިޚާބު މިހާރު ކަނޑައަޅާފައިވާ ތާރީހުގައި އިންތިޚާބު ބާއްވަން ވަނި ގޮވާލާފައެވެ. އޭނާގެ ވަގުތު ހަމަވުމުންވެސް ވަނީ މައިކު ދޫނުކޮށް، މެމްބަފުންނާއި ހޫނު ޒުވާބުތަކެއް ކޮށްފައެވެ.
އާޒިމްގެ ވާހަކަ ހުއްޓުވުމަށް މެމްބަރުން ތެދުވެ އެއްމެމްބަރަކު އަނެއް މެމްބަރަކަށް ހޫނު ހަމަލާތަކެއް ވަނީ ދީފައެވެ. މިހަމަނުޖެހުމުގައި ދެފަރާތަކަށް ތާއީދު ކުރާ މެމްބަރުން ކޮޅަށް ތެދުވެ ރިޔާސަތުގެ މޭޒާއި ދިމާލަށްގޮސް ބަހުގެ ހަމަލާތަކެއް ވަނީ ބަދަލުކޮށްފައެވެ.
މިރޭގެ ޖަލްސާ ފެށުނީއްސުރެ މިހާތަނަށްވެސް ބަހުގެ ހަމަލާތައް ދެފަރާތަށް ތާއީދު ކުރާ މެމްބަރުންގެ ފަރާތުން ދަނީ ބަދަލު ކުރަމުންނެވެ. ފައްޔާޒަށް ތާއީދު ކުރާ މެމްބަރުުން އިންތިޚާބު ފަސްކުރަން ވާހަކަ ދައްކާއިރު، އިންތިއަށް ތާއީދުކުރާ މެމްބަރުން ދަނީ މިއިންތިޚާބު ލަސްކުރަންޖެހޭ އެއްވެސް ސަބަބެއް ނެތްކަމަށް ވިދާޅުވެފައެވެ.
މިނިސްޓަރ ފައްޔާޒަށް ތާއީދުކުރާ މެމްބަރުންވަނީ މިއިންތިޚާބު ރޯދައިގެ ފަހަށް ފަސްކުރުމަށް ގޮވާލާފައެވެ.
