މޯލްޑިވްސް ޕޮލިސް ސާރވިސްގެ އިސް ބޭފުޅުން އެމެރިކާއަށް ކުރައްވާ ދަތުރުފުޅުގެ ތެރެއިން އދ.ގެ ޢާންމު މަޖިލީހުގެ ރައީސް އަދި ރާއްޖޭގެ ފޮރިން މިނިސްޓަރ ޢަބްދުﷲ ޝާހިދާއި ބައްދަލުކުރައްވައިފިއެވެ.
މި ބައްދަލުކުރެއްވުން އޮތީ އާންމު މަޖިލީހުގެ އޮފީހުގައެވެ.
މި ބައްދަލުކުރެއްވުމުގައި ކޮމިޝަނަރ އޮފް ޕޮލިސް މުޙައްމަދު ޙަމީދާއި، ޑެޕިއުޓީ ކޮމިޝަނަރ އޮފް ޕޮލިސް ޢަބްދުލްމަންނާން ޔޫސުފާއި، އެސިސްޓަންޓް ކޮމިޝަނަރ އޮފް ޕޮލިސް މުޙައްމަދު ރިޔާޟާއި ފުލުހުންގެ އިސް އޮފިޝަލުން ހިމެނެއެވެ.
މި ބައްދަލުކުރެއްވުމަށްފަހު އާންމު މަޖިލީހުގެ ރައީސް ޢަބްދުﷲ ޝާހިދު ކުރެއްވި ޓްވީޓެއްގައިވަނީ ފުލުހުންގެ އިސްވެރިން އެމެރިކާއަށް ކުރައްވާ ދަތުރުފުޅުގައި ފުލުހުންގެ ޚިދުމަތް ކުރިއެރުވުމަށް ކުރާ މަސައްކަތްތަކާއި ގުޅޭގޮތުން މަޝްވަރާކުރެއްވިކަމަށެވެ.
It was good to meet the Commissioner of Police @M_Hameedh and his delegation, during his ongoing visit to the USA.
We discussed the ongoing collaboration between the US and the Maldives on enhancing police capacity. pic.twitter.com/TcGpal5bK1
— Abdulla Shahid (@abdulla_shahid) March 4, 2022
ފުލުހުންގެ އިސް ވަފްދެއް އެމެރިކާއަށް ކުރައްވާ ދަތުރުފުޅަކީ އެމެރިކާގެ ޖަސްޓިސް ޑިޕާޓްމަންޓްގެ ދަޢުވަތަކަށް ކުރައްވާ ދަތުރުފުޅެކެވެ. މި ދަތުރުގައި ފުލުހުންގެ ޚިދުމަތް އިތުރަށް ތަރައްޤީކޮށް ޒަމާނީކުރުމަށް ކުރެވޭ ކަންކަމާއި ގުޅޭގޮތުން މަޝްވަރާކޮށް އެހީތެރިވުން ހިމެނެއެވެ.
