ޏ.ފުވައްމުލަކު ހޯދަނޑު އަވަށާ ދިމާލުގައި އޮތް ވީދަނޑުގައި ރޯވި އަލިފާން ނިއްވާލައިފިއެވެ.
މި ހާދިސާގެ މައުލޫމާތު ލިބިފައިވަނީ މިއަދު ހަވީރު 18:00 ހާއިރު ކަމަށް އެމްއެންޑީއެފުން ބުނެ އެވެ. އަލިފާން ރޯވާން ދިމާވި ސަބަބެއް އެނގިފައެއް ނުވެއެވެ.
އެމްއެންޑީއެފުން ބުނެފައިވަނީ ވީދަނޑުގައި އަލިފާނުގެ ހާދިސާއެއް ހިނގައިގެން އެމްއެންޑީއެފް ސަދަން އޭރިއާ ކޮމާންޑު، ފުވައްމުލަކު ފަޔަރ ސްޓޭޝަނުން ހަރަކާތްތެރިވެފައިވާކަމަށެވެ. އަދި އަލިފާންގަނޑު މިރޭ 20:00 ގައި ނިއްވާލެވިފައިވާކަމަށާއި، މިހާދިސާގައި އެއްވެސް މީހަކަށް ގެއްލުމެއް ލިބިފައި ނުވާކަމަށެވެ.
މިދިޔަ މަހުގެ ފަހުކޮޅު ވެސް ފުވައްމުލަކު ވީދަނޑުގައި އަލިފާން ރޯވެފައިވެއެވެ. އެފަހަރު ވީދަނޑުގެ ގާތްގަނޑަކަށް 40000 އަކަފޫޓަށް ވުރެ ބޮޑު ސަރަހައްދެއް ވަނީ އަނދާފައެވެ.
ކޮމެންޓު ފޮނުވާ