އިނގިރޭސި ރާނީ ކުއީން އެލިޒަބަތު ދޭއް މިސްކިތަކަށް ވަޑައިގެންނެވިއިރު، މުސްލިމުންނަށް ކުރެއްވި އިޚްތިރާމަށް ދުނިޔޭގެ އެތައް މުސްލިމުންނެއްގެ ތަޢުރީފް ލިބިއްޖެއެވެ.

އިނގިރޭސި ރާނީ ޔޫއޭއީއަށް މިހާރު ކުރައްވަމުންދާ ދަތުރުފުޅުގައިވަނީ، ޔޫއޭއީގައި ހުން އެންމެ ބޮޑު މިސްކިތަށް ޒިޔާރަތް ކުރައްވާފައެވެ. މިސްކިތަށް ޒިޔާރަތް ކުރެއްވިއިރު، އެކަމަނާ ހުންނެވި ބޮޑުހެދުމެއް ތުރުކުރައްވައިގެންނެވެ. އަދި އިސްތަށި ގަނޑު ނިވާވާ ގޮތަށް ވަނީ ބުރުގާއެއް ޒާތު އެއްޗެއް ތުރުކުރައްވާފައެވެ.

ދުނިޔޭގެ ގިނަ މުސްލިމުން ދަނީ ކުއީން އިސްލާމީ މުޖުތަމައަށް ކުރެއްވި އިޚްތިރާމަށް ތައުރީފް ކުރައްވާފައެވެ. ރާއްޖޭގެ ބައެއް ދީނީ އިލްމުވެރިންވެސް ގެންދަނީ ރާނީއަށް ތައުރީފް ކުރައްވާފައެވެ.

ދީނީ އިލްމުވެރިޔާ ޑރ.ޝަހީމް ވިދާޅުވީ ރާނީ މިސްކިތަށް ވަޑައިގެންނެވިއިރު، އެކަމަނާ މުސްލިމުންގެ ސަޤާފަތަށް ކުރެއްވި އިޚްތިރާމަކީ އެހެން ބޭފުޅުން އެކަމުން ނަމޫނާ ލިބިގަންނަންޖެހޭ ކަމެއްކަމުގައެވެ. އަދި މިއީ މުސްލިމުންނަށާއި، އިސްލާމީ މުޖުތަމަށް އެކަމަނާ ދެއްކި ވަރަށް ރީތި މިސާލެއްކަމަށް ޑރ.ޝަހީމް ވިދާޅުވިއެވެ.

އިނގިރޭސި ރާނީ ޔޫއޭއީގެ އެންމެ ބޮޑު މިސްކިތަށް ޒިޔާރަތް ކުރެއްވިއިރު އެކަމަނާ މުސްލިމުގެ ސަޤާފަތަށް ކުރެއްވި އިޚްތިރާމް ރާއްޖޭގެ ހުންނަ އިނގިރޭސި ސަފީރާއި، އަންނަ މެހުމާނުންނަށް ނުކުރެވެނީ ކީއްވެ؟ މިސްކިތްތަކުގެ ޤަދަރާއި އިޚްތިރާމް ދަމަހައްޓަން ޖެހޭ. ސަޤަފަތަށް އިޚްތރާމް ކުރަންޖެހޭ. ޝަހީމް ވިދާޅުވިއެވެ.

Ingireysi Raaani UAE ge emme bodu miskithah ziyaaray kurevvi iru ekamana Muslimunge Saqaafathah kurevvi ihuthiraam raajjeyga hunna ingireysi safeeraai anna mehumaanun nukuranvee keeve? Miskiythakuge qadharaai ihuthiraam dhamahattan jehey . Saqaafathah ihuthiraan kuran jehey. pic.twitter.com/LQ76IjwXZ8

— Mohamed Shaheem Ali Saeed (@Mohamedshaheem1) February 17, 2022

ޑރ.ޝަހީމްގެ އިތުރުން ޝައިޚު އަލީ ޒައިދުވެސް ވަނީ ރާނީ މިސްކިތަށް ވަޑައިގެންނެވި ފޮޓޯއެއް ހިއްސާކުރައްވާފައެވެ.

This is how the Queen of Britain enter Mosques. @caron_rohsler pic.twitter.com/zIW5nPp1LV

— Ali Zaid (@alizaid1000) February 17, 2022

މުސްލިމުންގެ އެންމެ މުއްޤައްދަސް ބިނާކަމުގައިވާ މިސްކިތްތަކަށް އައިރު ދީންތަކުގެ މީހުން އިހުތުރާމް ނުކުރުމާއި، މިސްކިތްތަކުގެ ކަރާމާތް ގެއްލޭފަދަ ކަންކަން ކުރާ މައްސަލަތަކަކީ ވަރަށް ގިނައިން މުސްލިމުންގެ އޮންނަ ކަންބޮޑުވުމެކެވެ.