އައިސިސްގެ ލީޑަރު ހާޖީ އަބުދުﷲ މަރާލެއްވިއްޖެކަން ބައިންޑް އިއުލާން ކުރައްވައިފި

އެމެރިކާގެ އަސްކަރިއްޔާއިން ސީރިއާގައި ހިންގި ޚާއްސަ އޮޕަރޭޝަނެއްގައި، އައިސިސްގެ އިސް ލީޑަރު ހާޖީ އަބުދުﷲ (އަބޫ އިބްރާހިމް އަލް ހާޝިމީ އަލް ޤުރައިޝީ) މަރާލެވިއްޖެކަން އެމެރިކާގެ ރައީސް ޖޯ ބައިޑްން އިއުލާން ކުރައްވައިފިއެވެ.

އައިސިސްގެ ލީޑަރު މަރާލެވިއްޖެކަން އިއުލާންކުރާއްވާފައިވަނީ ދާއި ދެންމެއަކު ބައިޑްން އެމެރިކާގެ ރައްޔިތުންނާއި މުޚާތަބުކޮށް ވާހަކަ ދައްކަވަމުންނެވެ. ބައިޑްން ވިދާޅުވަފައިވަނީ، އަބޫބަކު އަލް ބަޢުދާދީއަށްފަހު އައިސިސްގެ ލީޑަރުކަމާއި ހަވާލުވި ހާޖީ އަބުދުﷲއަކީ އިންސާނިއްތާއި ޚިލާފް ބޮޑެތި ޖަރީމާތައް ހިންގާފައިވާ މީހެއް ކަމަށާއި، ސިރިއާގައި އޭނާ ދިރިއުޅެމުންދިޔަ ގެއަށް އެމެރިކާގެ ކޮމާންޑޯއިން ހަމަލާ ދޭންފެށުމުން އެގޭގެ ތިންވަބަ ފަންގިފިލާގައިހުރެ، އަމިއްލަ އާއިލާއާއެކު، އޭނާ ޖާނުންފިދާ ވެފައި ވާކަމަށެވެ.

އެމެރިކާގެ އޮފިޝަލުން މައުލޫމާތު ދީފައިވާ ގޮތުގައި އައިސިސްގެ ލީޑަރު ދިރިއުޅެމުންދިޔަ ގެއަށް އެމެރިކާގެ ކޮމާންޑޯއިން ހަމާލާ ދޭން ފެށުމާއިއެކު، ހިގި ހަމަލާ ބަދަލު ކުރުންތަކުގައި 13 މީހަކު މަރުވެފައިވާ ކަމަށެވެ. މީގެ ތެރޭގައި ކުޑަކުދިންނާއި އަންހެނުންވެސް ހިމެނެއެވެ.

އެމެރިކާގެ އޮފިޝަލުން ބައެއް މީޑިއާތަކަށް މައުލުމާތު ދީފައިވާ ގޮތުގައި، އައިސިސްގެ ލީޑަރު އޭނާގެ އަންހެނުންނާއި އަދި ދަރިންނާއިއެކު، ވަށައިގެން ޒައިތޫނި ގަސްތައް ހުރި، 3 ފަންގިފިލާގެ މިގެއަށް އެމެރިކާގެ ކޮމާންޑޯއިން ހަމަލާދީ ހިންގި ރެއިޑް، ސިޓުއޭޝަން ރޫމްގައި އިންނަވައިގެން އެމެރިކާގެ ރައީސް ބައިންޑްއާއި ނާއިބު ރައީސާ ކާމެލާ ހެރިސްގެ އިތުރުން ބައިޑްންގެ ސަރުކާރުގެ ސަލާމަތާއި ގުޅުންހުރި އިސް އޮފިޝަލުންވަނީ ވަގުތުން ބައްލަވާފައެވެ.

މި ރެއިޑް ފެށިގެން އައިއިރު، ކޮމާންޑޯއިން ބޭނުންކުރި ހެލިކޮޕްޓަރަކަށް މެކޭނިކަލް މައްސަލަތަކެއް ކުރިމަތިވެފައި ވެއެވެ. އަދި ވަކި ހިސާބަކުން މިގޭގައި ތިބި ބައެއް ކުޑަކުދިން މިގޭގެ ފުރަތަމަ ފަންގިފިލާއިން ބޭރަށް ނިކުމެ، ސަލާމަތްތެރިކަން ހޯދުމަށް ދާން ފަށާފައި ވެއެވެ. އެހެންނަމަވެސް އޭގެ ކުޑަ ވަގުތުކޮޅެއް ފަހުން އައިސިސްގެ ލީޑަރު 3ވަނަ ފަންގިފިލާގައި ހުރެ، އޭނާގެ އަންހެނުންނާއި ދަރިންނާއެކު އަމިއްލަ ހަށިގަޑު ގޮއްވާލާފައިވާ ކަމަށް އެމެރިކާގެ އޮފިޝަލުން މީޑިއާތަކަށް މައުލުމާތު ދީފައި ވެއެވެ.

ބައިޑްން ވިދާޅުވި ގޮތުގައި މިގެއަށް އެމެރިކާގެ ކޮމާންޑޯއިން ވައިގެ ހަމަލާ ދީފައި ނުވަނީ، މިގޭގައި އައިސިސްގެ ލީޑަރު ދިރިއުޅެމުން ދިޔައީ އޭނާގެ އާއިލާއާއެކު ކަން އެގޭތީ ކަމަށާއި، ހުރިހާ މަސައްކަތެއްވެސް ކޮށްފައިވަނީ އޭނާ ހައްޔަރު ކުރުމަށް ކަމަށެވެ. އެހެންމަވެސް، އޭނާގެ ކުރީގެ ލީޑަރު ބަޢުދާދީ ފަދައިން ހާޖީ އަބުދުاللهވެސް އިޚްތިޔާރު ކޮށްފައިވަނީ އޭނާގެ މުޅި އާއިލާއާއެކު އަމިއްލަ ހަށިގަޑު ގޮއްވާލުމަށް ކަމުގައެވެ.

އަސްލު ނަމުންނަމަ އަބޫ އިބްރާހިމް އަލް ހާޝިމީ އަލް ޤުރައިޝީ އައިސިސްގެ ލީޑަރުކަމާއި ހަވާލުވެފައިވަނީ 2019ވަނަ އަހަރު އެމެރިކާ ސިފައިންގެ ހަމަލާއެއްގައި އެ ޖަމާއަތުގެ އޭރުގެ ލީޑަރު އަބޫބަކުރު އަލް ބަޢުދާދީ މަރާލުމާއި ގުޅިގެންނެވެ.