އިންޓަރނޭޝަނަލް ކޮމިޓީ އޮފް ދަ ރެޑް ކުރޮސް (ICRC) ޑާޓާ ސާރވާތައް ހެކްކޮށް، އެ ކޮމިޓީން އެހީތެރިކަން ފޯރުކޮށް ދެމުންދާ، އިންސާނީ އެހީއަށް ބޭނުންވާ ބައި މިލިއަނަށްވުރެ ގިނަ މީހުންގެ މައުލޫމާތު ހެކަރުން ވަގަށް ނަގާފައިވާކަން އެ ކޮމިޓީން ހާމަ ކޮށްފިއެވެ.
ޖެނީވާގައި ގާއިމް ވެފައިވާ މި އޭޖެންސީން ބުދަ ދުވަހު ހާމަ ކޮށްފައިވާ ގޮތުގައި، ކޮންބަޔަކުކަން ނޭގެ ބަޔަކު ހެކްކުރުމުގެ ނަތީޖާއެއްގެ ގޮތުން އެ ކޮމިޓީން ބަލަހައްޓަމުން އައިސްފައިވާ 515,000 މީހުންގެ މައުލޫމާތަށް އަސަރު ކޮށްފައިވާ ކަމަށާއި، "މީގެ ތެރޭގައި ދުނިޔޭގެ އެކި ކަންކޮޅުތަކުގައި އުފެދިފައިވާ މައްސަލަތަކުގެ ސަބަބުންނާއި، ހިޖުރަ ކުރުމާއި، އަދި ގުދުރަތީ ކާރިސާތަކުގެ ސަބަބުން ގެއްލިފައިވާ މީހުންނާއި އަދި އާއިލާތަކާއި ވަކިވެފައިވާ މީހުންގެ މައުލޫމާތާއި، އަދި އެކި ކަންކޮޅުތަކުގައި ހައްޔަރު ކޮށްފައިތިބި މީހުންގެ މައުލޫމާތުވެސް" ހިމެނެއެވެ.
މި މައުލޫމާތަކީ ދުނިޔޭގެ 60 ސަރަހައްދެއްގައި ރެޑް ކްރޮސްއިންނާއި ރެޑް ކްރެސެންޓުން ކޮށްފައިވާ މަސައްކަތްތަކުން އެއްކޮށްފައިވާ މައުލޫމާތުތަކެވެ.
"ގެއްލިގައިވާ އެތައް ބައެއްގެ މައުލޫމާތު މިގޮތަށް ވަގަށް ނަގައިގެން ދިއުމަކީ އެމީހުންގެ އާއިލާތަކުން މިހާރުވެސް ކުރަމުންދާ ހިތާމަތަކުގެ މައްޗަށް އެތަކެއް ހިތްދަތިކަމެއް އެ އާއިލާތަކަށް ލިއްބައިދޭނެ، އަދި ތަހައްމަލް ކުރަން އުދަގޫ ބަދާސްތަކަށް ވެގެން ދާނެ،" އައިސީއާރުސީގެ ޑިރެކްޓަރ ޖެނެރަލް ރޮބަޓް މާރޑިނީ ނެރުއްވާފައިވާ ބަޔާނެއްގައި ވިދާޅުވެފައި ވެއެވެ.
"މި މައުލުމާތުގެ ބޭނުން ކޮށްގެން، ޓާރގެޓްކޮށް، ނާޖާއިޒު ގޮތުގައި ހިފާފާނެ ކަމަށް އަހަރެމެން މި ތިބެނީ ވަރަށް ކަންބޮޑުވެ ހާސްވެފައި."
އައިސީއާރިސީއިން ބުނެފައިވަނީ، ހެކަރުން ހަމަލާ ދީފައިވަނީ މި ޓާޑާތައް ސްޓޯރކޮށް ބަލަހައްޓަމުންދާ، ސުވިޒަލޭންޑުގެ އެކްސްޓާނަލް ކޮންޓްރެކްޓަރއަކަށް ކަމުގައެވެ.
އައިސީއާރުސީން ކޮސްފައިވާ ޓުވީޓު
އެހެންނަމަވެސް، މިމައުލޫމާތު އާންމު ކޮށްފައިވާ ކަމުގެ ނުވަތަ ލީކް ކޮށްލާފައިވާކަމުގެ އެއްވެސް އަމާލާތެއް އަދި ފެންނާން ނެތް ކަމުގައިވެސް އިންޓަރނޭޝަނަލް ކޮމިޓީ އޮފް ދަ ރެޑް ކުރޮސް (ICRC)އިން ބުނެފައި ވެއެވެ.
ކޮމެންޓު ފޮނުވާ