ޕްރެޒިޑެންޓްސް ކަޕް ފުޓްބޯޅަ މުބާރާތުގައި ޓީސީ ސްޕޯޓްސް ކްލަބް ބަލިކޮށް، މުބާރާތުގައި ހޯދި ފުރަތަމަ މޮޅާއެކު ޔޫވީން ޕްރެޒިޑެންޓްސް ކަޕް ނިންމާލައިފިއެވެ.
ރަސްމީ ފުޓްބޯޅަ ދަނޑުގައި ކުޅުނު މި މެޗު ޔޫވީން ކާމިޔާބުކުރީ 1-4 ގެ ނަތީޖާ އަކުންނެވެ. ޔުނައިޓެޑް ވިކްޓްރީން ޕްރެޒިޑެންޓްސް ކަޕް ނިންމާލިއިރު، އޮތީހަތަރު ޕޮއިންޓާ އެކު ހަތް ވަނައިގައެވެ.
ޔޫވީ އާއި ޓީސީ ބައްދަލުކުރި މެޗުގައި ފުރަތަމަ ލަނޑު ޖަހާ ލީޑު ނެގީ ޔުނައިޓެޑް ވިކްޓްރީންނެވެ. މެޗުގެ 24 ވަނަ މިނެޓުގައި ލިބުނު ހިލޭ ޖެހުމަކުން މި ލަނޑުޔޫވީއަށް ކާމިޔާބުކޮށްދިނީ އަލީ ހައިސަމްއެވެ. އަދި ފުރަތަމަ ހާފް ނިމުމުގެ ކުރިން މެޗުގެ 39 ވަނަ މިނެޓުގައި އަލީ ހަމްދާން ވަނީ ޔޫވީއަށް އިތުރު ލަނޑެއްކާމިޔާބުކޮށްދީ ލީޑު ފުޅާކޮށްދީފައެވެ.
ޔޫވީގެ ތިންވަނަ ލަނޑު ދެވަނަ ހާފުގެ 61 ވަނަ މިނެޓުގައި އުފެއްދި ކައުންޓަރ އެޓޭކެއްގައި ގޮސް ކާމިޔާބުކޮށްދިނީ އަހުމަދު ބައްސާމްއެވެ. އަދި ޔޫވީގެ ހަތަރުވަނަ ލަނޑު 84 ވަނަ މިނެޓުގައި ލިބުނު ޕެނަލްޓީއަކުން ކާމިޔާބުކޮށްދިނީ އެނަޓޮލީއެވެ. މި މެޗުގައި ޓީސީން ޖެހި ހަމައެކަނި ލަނޑު 86 ވަނަ މިނެޓުގައި ކާމިޔާބުކޮށްދިނީ އަހުމަދު ޒައުލް ނާޒިލްއެވެ.
ޕްރެޒިޑެންޓްސް ކަޕުގައި މިއަދު ކުޅުމަށް ހަމަޖެހިފައިވަނީ މުބާރާތުގެ ފަހު މެޗުތަކެއެވެ. އެގޮތުން މި މުބާރާތުގެ ފައިނަލުގައި ވާދަކުރާނެ 2 ޓީމު ކަނޑައެޅިގެންދާނީ މިއަދުގެ 2 މެޗަށް ފަހުއެވެ. ހަވީރު ކުޅޭ މެޗުގައި ބައްދަލުކުރާނީ އީގަލްސް އާއި ގްރީން ސްޓްރީޓްސްއެވެ. އަދި ރޭގަނޑު ކުޅޭ މެޗުގައި ބައްދަލުކުރާނީވެލެންސިއާ އާއި މާޒިޔާއެވެ.
ކޮމެންޓު ފޮނުވާ