ހަނިމާދޫ އިންޓަރނޭޝަނަލް އެއަރޕޯޓުން ފުރައް ތައްޔާރުވެފައި އޮތް ފްލައިޓެއްގައި އަލިފާނުގެ ހާދިސާއެއް ހިނގައިފިއެވެ. މި ހާދިސާ ހިނގާފައިވަނީ ޤައުމީ އެއަރލައިން މޯލްޑިވިއަންގެ ފްލައިޓެއްގައެވެ.
އެމްއެންޑީއެފް އިން ބުނީ މޯލްޑިވިއަންގެ ފްލައިޓެއް ހަނިމާދޫއިން ނައްޓާލަުން އުޅުމުގެ ތެރޭގައި ކޮކްޕިޓްގައި އަލިފާނުގެ ހާދިސާއެއް ހިނގާފައިވާކަމަށެވެ. އަދި މިވަގުތު އަލިފާން ނިއްވާލެވިފައިވާކަމަށާއި، ފަސިންޖަރުންވެސް ބޯޓުން ބާލާފައިވާކަމަށްވެސް އެމްއެންޑީއެފް އިން ބުންޏެވެ. އެމްއެންޑީއެފް އިން ބުނީ މިހާރު އެ ބޯޓް ޓޯވ ކުރުމުގެ މަސައްކަތް ކުރަމުން އަންނަކަމަށެވެ.
މަޢުލޫމާތު ލިބިފައިވާގޮތުގައި ކޮކްޕިޓްގައި އަލިފާން ރޯވުމާއެކު ފަސިންޖަރުން ފައިބަން ކެޕްޓަން އިރުޝާދު ދިނެވެ. އެވަގުތު ފްލައިޓްގައި ދިވެހިންނާއި ބައެއް ބޭރު މީހުންވެސް ތިއްބެވެ. މިހާދިސާގައި އެއްވެސް މީހަކަށް އަނިޔާވެފައެއް ނުވެއެވެ.
އަލިފާނުގެ ހާދިސާ ހިނގާފައިވަނީ ހަނިމާދޫއިން މާލެއަށް ދަތުރުކުރުމަށް ތައްޔާރުވެފައިވާ ފްލައިޓެއްގައެވެ.
