އެކި މީހުންގެ މިޒާޖަކީ ތަފާތު އެއްޗެކެވެ. އެކި މީހުން ގަޔާވާ ކަންކަކަމާއި، ކަމުދާ އަދި ކަމުނުދާ ކަންކަންވެސް ތަފާތެވެ. ހަމަ އެގޮތުން އެކި މީހުންނަށް ރީތި ވަނީ ވެސް އެކިކަހަލަ އެއްޗިއްސެވެ.
އަލަށް ރިލޭޝަންޝިޕް އަކަށް ދާއިރު ވިސްނާލަން ޖެހޭ ވަރަށް ގިނަ ކަންކަން ހުރެއެވެ. ލޯބީގެ ގޮތުން އަލަށް މީހަކާއި ގުޅޭ އިރު ތަފާތު މަސްހުނި ހިޔާލު ތަކެއް ހުރެއެވެ. އަދި އުންމީދު ކުރެވޭ ގިނަ ކަންތަށް ތަކެއް ވެސް ހުރޭމެއެވެ.
މި އުންމީދު ތަކާއި އެކު އެކުގައި މުޅި އުމުރު އުޅެން ވައުދުވެ ކައިވެންޏަކާއި ހަމަ އަށް ދެވިފައި ތިބި މީހުންނާއ،ި ހަމަ މިފަދައިން ވަރަށް ލޯބިން އުޅެ މާގިނަ ދުވަސް ނުވެ ގުޅުމުގައި ސިއްކަ ޖެހޭ ޖޯޑުތަށްވެސް މަދެއްނޫނެވެ. ކޮންމެޔަކަށް މި ބަލާލަނީ ރައްޓެހިވާތާ ކުރީކޮޅު ލޯބިވެރިޔާ ކައިރީގައި ނޭދެވީ ނުވަތާ ނާހަންވީ ކަންކަމަށެވެ.
ލިބޭ އާމްދަނީ:
ރައްޓެހިވާތާ ކުރީކޮޅުގައި ލޯބިވެރިޔާ އަށް ލިބޭ އާމްދަނީ އަހައި އޮޅުން ފިލުވަން ނަހަދާށެވެ. އެއީ އެވާހަކަ ދެއްކުމަށް އެންމެ އެކަށީގެން ވާ ވަގުތެއް ނޫނެވެ. އާމްދަނީ އާއި ބެހޭ ގޮތުން އެހުމުން ލޯބިވެރިޔާ ތިބާ އާއި މެދު ދެކޭގޮތް ތަފާތުވެދާނެއެވެ. އެގޮތުން ތިބާ އަކީ ލާރިއަށްޓަކައި އުޅޭ މީހެއް ކަމަށް ލޯބިވެރިޔާ އަށް ހީވެދާނެވެ. ލޯބީގެ ގުޅުމަކީ ވަރަށް ނާޒުކު ގުޅުމެއް ކަމުން މިފަދަ ވާހަކައެއް ގެ ސަބަބުން ގުޅުމަށް ބުރޫއަރަން މެދުވެރިވެދާނެއެވެ.
ކުރީގެ ލޯބިވެރިނާއި ގުޅޭ ގޮތުން އެހުން:
ތިބާގެ ބައިވެރިޔަކީ މީގެ ކުރިން އެހެން މީހުންނާއި ލޯބިގެ ގޮތުން ގުޅިގެން އުޅުނު މީހެއް ނަމަ އެމިހުންނާއި ގުޅޭ ގޮތުން ސުވާލު ނުކުރާށެވެ. އެކްސް އިންގެ ވާހަކަ އެހުމަކީ އެއްވެސް ހާލެއްގައި ބައިވެރިޔާ އަށް މާ ކަމުދާ ވާހަކަ އަކަށް ނުވާނެއެވެ. އެއީ މާޒީއެއް ކަމުގައި ބަލާށެވެ. ތިބާ އަކީ މުސްތަގުބަލު ކަމުގައި ބަލާށެވެ. އެގޮތުން ތައްޓެހިވާތާ ކުރީކޮޅު އެފަދަ ވާހަކަ ނާހާށެވެ.
ހަދިޔާ ދިނުމަށް އެދުން:
މީ ރައްޓެހިވާތާ ކުރީކޮޅު އެއްގޮތަކަށް ވެސް ކުރުން ރަނގަޅު ކަމެއް ނޫނެނެވެ. ހާއްސަ ގޮތެއްގައި އަންހެން ކުދިންގެ އުންމީދު ތަށް ވަރަށް ބޮޑަށް ހަދިޔާ އާއި ގުޅިފައިވެއެވެ. ހަދިޔާ ދިނުމާއި ގޮވައިގެން ރެސްޓޯރެންޓު ތަކަށް ދިއުމަށް ޑިމާންޑް ނުކުރާށެވެ. އެކަމުގެ ސަބަބުން އަނެއްކަވެސް ގުޅުމުގައި ކުނި ޖެހުމަކީ އެކަށިގެން ވާކަމެކެވެ.
އާއިލާ އާއި ރަހުމަތެރިންނަށް ތައާރަފު ކޮށްދިނުމަށް އެދުން:
ރައްޓެހިވާތާ އެހާ ކުރީކޮޅުގައި ބައިވެރިޔާގެ އާއިލާ އާއި ރަހުމަތެރިންނަށް ތިބާ ތައާރަފު ކޮއްދިނުމަށް ނޭދޭށެވެ. ގުޅުމުގެ އެހާ ކުރީކޮޅު އެކަމަށް އެދުމުން އަނެއްކަވެސް ބައިވެރިޔާ ތިބާ އާއި ދޭތެރޭގައި ދެކޭގޮތް ތަފާތު ވެދާނެއެވެ. އާއިލާ އާއި ރަހުމަތެރިންނަށް ތައާރަފު ނުކޮށްދެނީ އެއީ ސީރިއަސްކޮށް ގުޅުން ނުނަގާތީ އެއް ނޫނެވެ. ނަމަވެސް އެކމަށް ވެސް ވަގުތެއް އޮންނާނެވެއެވެ. ފަހަރުގައި ބައިވެރިޔާ އެ އިންތިޒާރު ކުރަނީ ރަނގަޅު ވަގުތަކަށެވެ. ބައިވެރިޔާ އަމިއްލައަށް އެދެންދެން ކެތްތެރިވެގެން މަޑުކޮށްލާށެވެ.
މިނޫންވެސް ގިނަ ކަންތަށް ތަކަށް ރައްޓެހިވާތާ ކުރީކޮޅު، ޅަފަތުގައި ސަމާލުކަން ދޭން ވާނެއެވެ. މި ގުޅުމަކީ ވަރަށް ނާޒުކު ގުޅުމަކަށް ވާއިރު، އުމުރު އެކުގައި ހޭދަކުރުމުގެ އަޒުމުގައި ހުރުމަކީ ވަރަށް މުހިންމު ކަމެކެވެ.
