ހިޔާ ފްލެޓް ސަރަހައްދުގެ މަގު ކޮނުމުގެ ތެރޭގައި ކޭބަލެއް ހަލާކުވެ، ހުރިހާ ޓަވަރަކުން ކަރަންޓު ކެނޑުނުތާ ދެ ގަޑިއެއްހާއިރު ފަހުން، ސްޓެލްކޯ އިން މައްސަލަ ހައްލުކޮށް ކަރަންޓުގެ ހިދުމަތް އަލުން ފަށައިފިއެވެ.
މިއަދު ހެނދުނު 9:20 ހާއިރު ހިޔާ ފްލެޓްތަކުން ކަރަންޓު ކެނޑުނީ ފްލެޓް ސަރަހައްދުގެ މަގުތައް ހަދަން އެޗްޑީސީން ހަވާލު ކޮށްފައިވާ ކުންފުނިން މަގު ކޮންނަނިކޮށް، ފްލެޓްތަކަށް ކަރަންޓު ދިނުމަށް އެޗްޑީސީން އަަޅާފައިވާ ކޭބަލަކަށް ގެއްލުން ވުމުންނެވެ.
ނަމަވެސް މިހާރު އެ ކޭބަލް ހަދާފައިވާ ކަމަށް ސްޓެލްކޯއިން ބުންޏެވެ. އަދި ކަރަންޓު ކެނޑުނު ހުރިހާ ފްލެޓަކަށް މިހާރު ވަނީ އަލުން ކަރަންޓު ދީފައި ކަމަށެވެ. އަދި ހުރިހާ ފްލެޓްތަކަށް ވެސް ފެނުގެ ހިދުމަތް ވަނީ ހެނދުނު 11:10 ހާއިރު ވަނީ ދީފައެވެ.
ހިޔާ ފުލެޓް ސަރަޙައްދުގެ މައި ކަރަންޓު ކޭބަލަށް ލިބުނު ގެއްލުމާއި ގުޅިގެން، ހިޔާ ފުލެޓްތަކަށް ދިމާވި ފެނާއި ކަރަންޓު މެދުކެނޑުނު މައްސަލަ މިހާރު ވަނީ @STELCOMALDIVESގެ އެހީތެރިކަމާއި އެކު ހައްލުކުރެވިފައެވެ. މިފަދަ ދަތި ވަގުތުތަކުގައި ތިޔަ އެންމެހައި ބޭފުޅުންގެ ފަރާތުން pic.twitter.com/qFfuE4nSJH
— HDC (@hdcmaldives) January 17, 2022
ހިޔާއަށް ސްޓެލްކޯގެ ކަރަންޓު ދޭން ފަށާފައިވަނީ މިދިޔަ އަހަރުގެ އޯގަސްޓު މަހުގެ ތެރޭގަ އެވެ. އޭރުގައި ކަރަންޓު ދެމުން ގެންދިޔައީ އެކި ޓަވަރުތަކަށް އެކި ވަގުތުތަކުގައެވެ. ފްލެޓްތަކުގައި މީހުން ދިރިއުޅެން ފެށުމުން ސްޓެލްކޯއިން ވަނީ 16 ޓަވަރަށް 24 ގަޑިއިރު ކަރަންޓުގެ ހިދުމަތް ދޭން ފަށާފައެވެ.
