ބ. ކުޑަރިކިލުގައި ބޭރަށް ހިންގުމާއި ހޮޑުލުމުގެ ރޯގާގެ އިތުރުން ކޯވިޑް ފެތުރެން ފަށާފައިވާއިރު، އެ ރަށުގައި ޑޮކްޓަރަކު ނެތި ހަފުތާއެއްވެފައި ވާތީ ރައްޔިތުން ނިކުމެ މިއަދު ސިއްހީ މަރުކަޒުގައި ތަޅު އަޅުވައިފިއެވެ.
ކުޑަރިކިލުގައި އާންމު ބަލިތައް އިންތިހާއަށް ފެތުރެމުންދާއިރު، ސަރުކާރުން މިކަމަށް ސަމާލުކަން ނުދޭތީ ރައްޔިތުން ވަނީ ވަރަށް ބޮޑަށް ނުރުހުން ފާޅުކޮށްފައެވެ. ޑޮކްޓަރަކު ނެތް މައްސަލާގައި ކުޑަރިކިލު ސިއްހީ މަރުކަޒު ބަންދުކޮށް ރައްޔިތުންގެ ތެރެއިން ގިނަ ބަޔަކު ވަނީ ނުރުހުން ފާޅުކޮށްފައެވެ.
އެރަށުން ވާހަކަ ދެއްކި މީހުން ބުނީ އަޑު އުފުލަން ޖެހެނީ އެރަށުގައި ބޭރަށް ހިންގުމާއި ހޮޑުލުމުގެ ރޯގާއާއި ކޯވިޑްގެ ބަލި ފެތުރެމުންދާތީކަމަށެވެ. އެ ރަށުގައި ކުރިން ހުރި މިސްރުގެ ޑޮކްޓަރު މި މަހު 10ގައި ވަނީ ޗުއްޓީ އަށް ގޮސްފައެވެ. މިހާރު އެރަށު މީހުން ޑޮކްޓަރަށް ދައްކަނީ އޮންލައިންކޮށް އައިޖީއެމްއެޗަށެވެ.
ސަރުކާރުން ބުނެފައިވަނީ ކުޑަރިކިލަށް ޑޮކްޓަރަކު ގެނައުމުގެ މަސައްކަތް މިހާރު ކުރަމުންދާކަމަށާ އެކަން މާދަމާއިން ފެށިގެން ހައްލުވެގެން ދާނެކަމަށެވެ. ބޭރުގައުމެއްގެ ޑޮކްޓަރަކު މިއަދުގެ ވަގުތެއްގައި ރާއްޖެ އަންނާނެކަމަށެވެ.
މި ދުވަސްވަރު ރާއްޖޭގައި ފެތުރެމުންދާ ބޭރަށް ހިންގުމާއި ހޮޑުލުމުގެ ރޯގާ ކުޑަރިކިލުގައި ވެސް ހަލުއި ކަމާ އެކު ދަނީ ފެތުރެމުންނެވެ. އޭގެ އިތުރުން ކޮވިޑަށް ޕޮޒިޓިވް ކޭހެއް ވެސް ވަނީ ފެނިފައެވެ.
One Response
މިހާރަކަށް އައިސް ރައްޔިތުން ސަރުކާރު ދެކެނީ ގަހެއްގަ އިން ސާރިދޯޅަ އެއް ގޮތަށް ،،،
ގޮތް ދައްކާ ރުޅިއަރުވާގެން ކުރުވަން ، މިފަދަހަޑި ކަންތަކާމެދު ރައްޔިތުން ވިސްނަންޖެހޭ ؛ ސަރުކާރެއް އަދިޖެހިލުމެއް ނުވާނެ. ގަވާޢިދު ތަންފީޒް ކޮށްފިނަމަ އަހަރުމެން ގޯސްވެސް ވެދާނެ ؛؛؛؛
ފަހަރަކުވެސް އިދިކޮޅު ފަރާތަކުން ތިޔަފަދަ ކަމެއް ނުކޮށްދޭނެ …؛
ހުރިހާ ގެއްލުމެއް ނިކަމެތި ރައްޔިތުންނަށް ލިބޭނީ މިފަދަ ކަންތަކާމެދު ވިސްނުން މުހިއްމު…..! @#