ޕްރެޒިޑެންޓްސް ކަޕް ފުޓްބޯޅަ މުބާރާތުގައި ޔުނައިޓެޑް ވިކްޓްރީ ކޮޅަށް އިބްރާހިމް ވަހީދު ހަސަން (އިއްބެ) ހެދި ހެޓްރިކާއެކު މާޒިޔާ ސްޕޯޓްސް އެންޑްރެކްރިއޭޝަން ފައިނަަލާ ގާތަަށް ޖެހިލައިފިއެވެ.
މިއަދު ހަވީރު ރަސްމީ ފުޓްބޯޅަ ދަނޑުގައި ކުޅުނު މެޗުގައި ޔޫވީ އަތުން މާޒިޔާ މޮޅުވީ 0-4 ގެ ނަތީޖާއަކުންނެވެ.
މި ނަތީޖާއާއެކު މާޒިޔާ އެއްވަނައިގައި އޮތީ 5 މެޗުން ހޯދި 15 ޕޮއިންޓާއެކުއެވެ. އަދި ދެވަނައިގައި އޮތް ވެލެންސިއާ އަށްވެސް 5 މެޗުން 15 ޕޮއިންޓްލިބިފައިވާއިރު، މާޒިޔާއަަށް ކުރި ލިބެނީ ލަނޑުގެ ތަފާތުންނެވެ. މުބާރާތުގައި ކުރިޔަަށް އޮތް 2 މެޗު ކޮންމެ ޓީމަކަށް އޮތްއިރު، މާޒިޔާ އާއި ވެލެންސިއާ ދެންކުޅެން އޮތް މެޗުން މޮޅުވެގެން ފައިނަލަަށް ދަތުރުކުރެވޭނެއެވެ.
މާޒިޔާ އާއި ޔޫވީ ބައްދަލުކުރި މެޗުގައި މާޒިޔާއަަށް ލީޑު ނަގައިދިން ލަނޑު 10 ވަނަ މިނެޓުގައި ކާމިޔާބުކޮަަށްދިނީ ކޯނޭއެވެ. މެޗުގެ ފުރަތަމަ ހާފް ނިމުނީ 0-1 ގެ ނަތީޖާއަކުންނެވެ.
މެޗުގެ ދެވަނަ ހާފް ފަށައިގެން ފުރަތަމަ މިނެޓުގެ ތެރޭގައި އިބްރާހިމް ވަހީދު ހަސަން (އިއްބެ) ވަނީ މާޒިޔާގެ 2 ވަނަ ލަނޑު ކާމިޔާބުކޮށްދީފައެވެ. އަދި އޭގެ 3 މިނެޓު ފަހުން އިއްބެ ވަނީ އިތުރު ލަނޑެއް ޖަހާ މާޒިޔާއަށް ލީޑު ފުޅާކޮށްދީފައެވެ. މި މެޗުގައި އިއްބެ އޭނާގެ ހެޓްރިކް ފުރިހަމަކުރީ 73 ވަނަ މިނެޓުގައިކާމިޔާބުކުރި ލަނޑުންނެވެ.
މުބާރާތުގައި މިރޭ ކުޅޭ މެޗުގައި ދަ ގްރާންޑޭ ސްޕޯޓްސް ކްލަބުން ނުކުންނާނީ ކްލަބް އީގަލްސްއާ ދެކޮޅަށެވެ.
ކޮމެންޓު ފޮނުވާ