އެމެރިކާގެ ޗިކާގޯއިން އައިސްލޭންޑަށް ދަތުރު ކުރަމުންދިޔަ ފްލައިޓެއްގެ މަތީގައި، އަންހެނަކު ކޯވިޑަށް ޕޮޒިޓިވް ވުމުން، ދަތުރު ކުރަމުންދިޔަ ފްލައިޓުގެ ފާޚާނާ ތެރޭގައި އޭނާ 5 ގަޑިއިރުވަންދެން ކަރަންޓީން ކޮށްފިކަމަށް މީޑިއާ ރިޕޯޓުތައް ބުނެފިއެވެ.
އޭނާގެ ބޭބެ އަދި ބައްޕައާއި އެކު، މަރީސާ ފޯޓިއޯ ނަމަކަށްކިޔާ މިއަންހެން މީހާ ފާއިތުވެދިޔަ ޑިސެމްބަރުމަހުގެ 19 ދުވަހު ދަރުކުރަމުން ދިޔައީ އެމެރިކާއިން ނިއުޒިލޭންޑަށެވެ.
ފޯޓިއޯ ބުނެފައިވާ ގޮތުގައި ފްލައިޓް މަތީގައި، ދެތުރުގެ ދެބައިކޮށްފަ އެއްބައި ކަޑައްތު ކުރެވުނުތަނާ ކަހަލަ ގޮތަކަށް ކުއްލިއަކަށް އޭނާގެ ކަރުތެރެއަށް ތަދުވާން ފެށުމާއިއެކު، އޭނާ ވަނީ ފްލައިޓުގެ ފާޚާނާއަށް ގޮސް، ރެޕިޑް ކޯވިޑް ޓެސްޓް (ކުޅު ބޭނުންކޮށްގެން އަމިއްލައަށް ހަދާ ކޯވިޑް ޓެސްޓް) ހަދާފައެވެ. އަދި މި ޓެސްޓުން އޭނާ ކޯވިޑަށް ޕޮޒިޓިވްކަމަށް ދެއްކިއެވެ.
ފޯޓިއޯ ބައެއް މީޑިއާތަކަށް މައުލޫމާތު ދީފައިވާ ގޮތުގައި، ފްލައިޓަށް އެރުމުގެ ކުރިން އޭނާވަނީ 2 ޕީސީއާރު ޓެސްޓުގެ އިތުރުން 5 ރެޕިޑް ޓެސްޓު ހަދާފައެވެ. މި ހުރިހާ ޓެސްޓަކުންވެސް ދައްކާފައިވަނީ އޭނާ ކޯވިޑަށް ނެގެޓިވް ކަމަށެވެ. އެހެންނަމަވެސް ފޯޓިއޯގެ ކަރުތެރޭގައި ރިއްސަން ފަަށާފައިވަނީ ދަތުރު މަތީގައި ދޮޅު ގަޑިއެއްހާއިރު ފާއިތުވެދިޔަ ފަހުން ކަމުގައި ފޯޓިއޯ ބުނެފައި ވެއެވެ.
"އަހަރެންގެ ސިކުނޑީގައި ޝައްކު އުފެދެން ފެށުމުން އަހަރެން ނިންމީ އަމިއްލައަށް ރެޕިޑް ޓެސްޓު ހެދުމަށް،" ފޯޓިއޯ ބުނެފައި ވެއެވެ. "ޓެސްޓް ހެދުމާއެކު އަހަރެން ޕޮޒިޓިވް ކަމަށް ދެއްކި."
ފޯޓިއޯ ބުނެފައިވާ ގޮތުގައި އޭނާވަނީ ވެކްސިންގެ ދެ ޑޯޒު ޖެހުމަށްފަހު، އަދި އޭގެ އިތުރުން ބޫސްޓަރ ޑޯޒްވެސް ޖަހާފައެވެ.
ފޯޓިއޯ މީޑިއާތަކަށް މައުލޫމާތު ދީފައިވާ ގޮތުގައި، މަތިންދާ ބޯޓުގެ ފާޚާނަތެރޭގައި އޭނާ ކޯވިޑަށް ޕޮޒިޓިވް ކަމަށް ދެއްކުމުން އޭނާ ބިރުގަނެ ހަދާނެ ގޮތް ހުސްވިއެވެ. "އަހަރެން ބިރުގަތީ އަހަރެންގެ އާއިލާއާއި މެދު ވިސްނާފަ، އަދި މަތިންދާ ބޯޓުގަ ތިބި އެހެން މީހުންނާމެދުވެސް ވިސްނުނީ، އަދި ހަމަ އެގޮތަށް އަހަރެންގެ އަމިއްލަ ނަފްސާމެދުވެސް ވަރަށް ބޮޑަށް ބިރުގަތް."
ޕޮޒިޓިވްވި ކަން އެގުމުން ފޯޓިއޯ ދުވެފައި ދިޔައީ ފްލަައިޓް އެޓެންޑެންޓެއްގެ ގާތަށެވެ. އެހެންނަމަވެސް ފްލައިޓް އެޓެންޑެންޓް އޭނާ ހަމަޖައްސައިދީ، އޭނާއަށް ވަކި ސީޓެއް ހަމަޖައްސައިދޭނެކަމަށް ބުނިކަމަށްވެސް ފޯޓިއޯ ބުނެފައިވެއެވެ. "އެހެންނަމަވެސް އެބުރި އައިސް ފްލައިޓް އެޓެންޑެންޓު ބުނީ ވަކިން އިން ސީޓެއް ނެތްކަމަށް، އަހަރެން ނިންމީ ފާޚާނާގައި ކަރަންޓީން ވެގެން ހުރުމަށް، އެއީ އަހަރެން ބޭނުން ނުވީ އެހެން މީހުން ވަށައިގެން އުޅެން،" ފޯޓިއޯ ކިޔައިދީފައި ވެއެވެ.
އޭނާ ފާޚާނާގައި ކަރަންޓީން ވުމަށްފަހު، ފާޙާނާގެ ޚިދުމަތް މެދު ކެނޑިފައިވާކަމަށް ލިޔެފައިވާ ލިޔުމެއް ފްލައިޓް އެޓެންޑެންޓުން ފާޚާނެ ދޮރުގައި ތަތްކުރިއެވެ. އަދި އެއަށްފަހު އެ ދަތުރުގައި ފްލައިޓުގައި ފޯޓިއޯގެ ސީޓަކަށްވީ ފާޚާނާ ތައްޓެވެ.
މި ފްލައިޓް އައިސްލޭންޑުގައި ޖެއްސުމަށްފަހު އެ ފްލައިޓުން އެންމެފަހު ބާލާފައިވަނީ ފޯޓިއޯގެ އާއިލާއެވެ. އަދި ވަގުތުން އެމީހުން ގެންދެވިފައިވަނީ، 10 ދުވަހުގެ ކަރަންޓީނަށް ހޮޓަލަކަށެވެ.
ކޮމެންޓު ފޮނުވާ